Matuš 6:31 - Le Devleskero Lav Andre Romaňi Čhib Slovensko 2021

³¹ Vašoda tumen ma trapinen a ma phenen: ‚So chaha? So pijaha? So uraha?‘

Matuš 6:31 ပူးပေါင်းရင်းမြစ်များ

2. Kronicko 25:9

Pre oda lestar o Amacijah phučľa: „Ale so ela ole rupoha, so počinďom vaš lende?“ Le Devleskro murš leske odphenďa: „O RAJ tuke šaj del mek buter sar oda.“

Žalmi 111:5

Del te chal olen, ko pes lestar daran, pre peskri zmluva šoha na bisterela.

Žalmi 37:3

Muk tut pro RAJ a ker o lačhipen, beš andre tiri phuv a dživ andro smirom.

Žalmi 55:22

Leskre vušta džan šukares sar čhil, ale andro jilo les hin o mariben. Leskre lava hine jemneder sar olejos, ale hine ostra sar o avricirdle šabľi.

Matuš 15:33

O učeňika leske phende: „Khatar laha pre kada omuklo than ajci maro, hoj te das te chal kajci but dženen?“

Matuš 4:4

Ov odphenďa: „Hin pisimen: ‚O manuš na dživela ča le marestar, ale dojekhe lavestar, savo avel avri andral le Devleskro muj.‘ “

Matuš 6:25

„Vašoda tumenge phenav: Ma trapinen tumen pal tumaro dživipen, so chana a so pijena, aňi pal tumaro ťelos, so urena. Či nane o dživipen buter sar o chaben a o ťelos sar o gada?

Matuš 6:27

A ko tumendar oleha, hoj pes trapinel pal o dživipen, peske šaj dothovel sikra paš o dživipen? Ňiko.

Лукастар 10:41

Ale o Ježiš lake odphenďa: „Marto, Marto, starines a trapines tut but vecenca.

Лукастар 12:11

Sar tumen ľidžana andro sinagogi, anglo vladara the anglo bare raja, ma starinen tumen, sar tumen braňinena abo so vakerena.

Лукастар 12:22

Phenďa peskre učeňikenge: „Vašoda tumenge phenav, ma starinen tumen pal tumaro dživipen, hoj so chana; aňi pal tumaro ťelos, hoj so urena.

Лукастар 12:29

Ma gondoľinen ča pal oda, so chana a so pijena. Ma trapinen tumen pal oda!

Filipanenge 4:6

Pal ňisoste tumen ma starinen, ale andre savoreste, andro modľitbi the andro mangipena phenen le Devleske paľikeribnaha, so tumenge kampel.

1. Peter 5:7

Savore tumare pharipena čhiven pre leste, bo ov pes pal tumende starinel.