Matuš 6:18 - Le Devleskero Lav Andre Romaňi Čhib Slovensko 2021

¹⁸ hoj te na dikhen o manuša, hoj tut poscines, ale tiro Dad, savo hino andro garuďipen. A tiro Dad, savo dikhel oda, so hin garudo, tuke počinela pale.“

Matuš 6:18 ပူးပေါင်းရင်းမြစ်များ

Matuš 6:4

Bo te des oda andro garuďipen, tiro Dad dikhel oda, so hin garudo, a ov tuke počinela pale.“

Matuš 6:6

Ale sar tut modľines, dža andre tiri komorka, phand pal tu o vudar a modľin tut tire Dadeske, savo hino andro garuďipen. Bo tiro Dad dikhel oda, so hin garudo, a ov tuke počinela pale.

Rimanenge 2:6

O Del počinela sakoneske vaš oda, so kerelas.

2. Korinťanenge 10:18

Bo na ola, ko pes korkore ispiden anglal, hine lačhe služobňika, ale ola, kas o Raj ispidel anglal.

2. Korinťanenge 5:9

Vašoda, či sam khere vaj avri le kherestar, keras savoro, hoj te avas leske pre dzeka.

1. Peter 1:7

Vašoda, hoj pes te sikavel tumaro preskušimen pačaben, so hin vzacneder sar o somnakaj, savo našľola. Bo avke sar o somnakaj pes preskušinel andre jag, avke pes mušinel te preskušinel the tumaro pačaben. A akor chudena o lašariben, e slava the e pačiv andre oda džives, sar pes sikavela o Ježiš Kristus.

1. Peter 2:13

O Raj kamel, hoj tumen te podden savore manušengre autoritenge: či le kraľiske sar le nekbaredereske,