Matuš 28:7 - Le Devleskero Lav Andre Romaňi Čhib Slovensko 2021

⁷ Džan sigo te phenel leskre učeňikenge, hoj ušťiľa andral o meriben a džal anglal tumende andre Galileja. Ode les dikhena. Ma bisteren pre oda, so phenďom!“

Matuš 28:7 ပူးပေါင်းရင်းမြစ်များ

Izajaš 44:8

Ma daran tumen, ma izdran! Či oda me imar čirla na phenďom a na diňom te džanel? Tumen san mire švedki. Či hin varesavo aver Del? Nane, ča me. Nane aver Skala, pal ňisavi na džanav.“

Izajaš 45:21

Den te džanel a aven mange te phenel; dovakeren tumen jekhetane: Ko kada vakerelas ešebnovarestar? Ko kada delas te džanel imar čirla? Či na me o RAJ? Aver Del nane, ča me. Nane aver čačo Del, savo šaj zachraňinel.

Matuš 24:25

Dikhen, phenďom tumenge oda anglal!

Matuš 26:32

Ale sar uščava andral o meriben, džava anglal tumende andre Galileja.“

Matuš 28:10

Akor lenge o Ježiš phenďa: „Ma daran tumen! Džan te phenel mire phralenge, hoj te džan andre Galileja. Ode man dikhena.“

Matuš 28:8

Avle sigo avri andral o hrobos a daraha the bare radišagoha denašenas oda te phenel leskre učeňikenge.

Marek 14:28

Ale sar uščava andral o meriben, džava anglal tumende andre Galileja.“

Marek 16:10

Oj oda geľa te phenel le manušenge, so leha phirenas. On pal leste rovenas a sas igen smutna.

Marek 16:13

Avke gele pale a phende oda oklenge, ale aňi lenge na pačanďile.

Лукастар 24:34

a on lenge phenenas: „O Raj čačes ušťiľa a sikaďa pes le Šimonoske.“

O Evaňjelium le Janoskro 14:29

Phenďom tumenge akana, sigeder sar pes oda ačhela, hoj tumen te pačan, sar pes oda ačhela.

O Evaňjelium le Janoskro 16:4

Ale kada tumenge phenďom vašoda, hoj sar avela odi ora te leperen tumenge, hoj tumenge oda phenavas. Ešebnovarestar tumenge kada na phenďom, bo somas tumenca.“

1. Korinťanenge 15:4

parunde les a pro trito džives ušťiľa andral o meriben, avke sar hin pisimen;

1. Korinťanenge 15:6

Paloda pes jekhvareste sikaďa buter sar pandž šel (500) phralenge, savendar buter džene dživen mek dži akana, ale varesave imar the mule.