Matuš 27:60 - Le Devleskero Lav Andre Romaňi Čhib Slovensko 2021

⁶⁰ Thoďa les andre peskro nevo hrobos, savo avri kerďa andre skala. Paľis zakerďa o vudar andro hrobos bare bareha a geľa het.

Matuš 27:60 ပူးပေါင်းရင်းမြစ်များ

1. Mojžišoskro 50:5

Miro dad man phandľa kala veraha: ‚Dikh, me merav, parun man andro hrobos, so mange kerďom andro Kanaan.‘ Domuk mange, hoj ode te džav te parunel mire dades. Paľis avava pale.“

Izajaš 22:16

So kade keres a ko tuke domukľa te kerel peske kade o hrobos? Randľal tuke avri o hrobos pro učo brehos, andre skala tuke kerďal tiro than pro odpočinkos.

Izajaš 53:9

Dine les hrobos le nalačhe manušenca, parunde les le barvaleha, kajte na kerďa ňič nalačho a andre leskro muj na sas šoha o klamišagos.

Matuš 27:59

O Jozef iľa o ťelos a zapačarďa les andre žuži lepeda.

Matuš 27:66

Avke on gele, zapečaťinde andre o bar a dine le slugaďenge te stražinel.

Matuš 28:2

A dikh, e phuv zorales razisaľiľa, bo o aňjelos le Rajeskro avľa tele andral o ňebos, odcirdňa o bar pašal o hrobos a bešľa peske upre.

Лукастар 24:2

A arakhle o bar odcirdlo pašal o hrobos.

O Evaňjelium le Janoskro 11:38

Le Ježišoske sas pale pharo a avľa paš o hrobos. Oda sas jaskiňa, savi sas phandľi andre le bareha.

O Evaňjelium le Janoskro 11:41

Avke odile o bar. O Ježiš hazdňa upre o jakha a phenďa: „Dado, paľikerav tuke, hoj man šunďal avri.

O Evaňjelium le Janoskro 19:41

Pre oda than, kaj les ukrižinde, sas zahrada a andre zahrada nevo hrobos, andre savo mek šoha ňiko na sas thodo.

O Evaňjelium le Janoskro 20:1

Paľis ešebno džives andro kurko sig tosara, mek sar sas rat, avľa e Maria Magdalena paš o hrobos a dikhľa, hoj o bar hino odcirdlo pašal o hrobos.