Matuš 27:52 - Le Devleskero Lav Andre Romaňi Čhib Slovensko 2021

⁵² O hrobi pes phundravenas a but sveta manuša ušťile andral o meriben.

Matuš 27:52 ပူးပေါင်းရင်းမြစ်များ

2. Kraľengro 13:21

Jekhvar, sar o Izraeliti parunenas varesave muršes, dikhle, hoj aven o zbujňika andral o Moab. Vašoda les čhide andre le Elizeoskro hrobos a denašle odarik het. Sar oda ťelos peľa pre le Elizeoskre kokala, oda mulo obdžiďiľa a ušťiľa pro pindre.

Izajaš 25:8

Zňičinela o meriben pro furt a o RAJ, o Adonaj, khosela tele o apsa pal dojekh muj; lela tele e ladž pal peskre manuša pal calo svetos, bo o RAJ prevakerďa.

Izajaš 26:19

Ale tire mule dživena, RAJEJA, lengre ťela ušťena. Ušťen upre a radisaľon, tumen, so pašľon andro prachos! Se tiri rosa hin e rosa le švetloskri, savi andral e phuv obdžiďarela le mulen.

Daniel 12:2

A but olendar, ko soven andro prachos la phuvakro, ušťena upre; jekh pro večno dživipen, ale aver ena teledikhle the andre ladž pro furt.

Hozeaš 13:14

Cinava kale manušen avri andral e zor le Šeoloskri? Cinava len avri andral o meriben? Kaj hin tire rani, ó meriben? Kaj hin tiro trňos, ó Šeol? Imar mange na ela pharo vaš tumenge!

O Evaňjelium le Janoskro 11:11

Pal kala lava lenge phenďa: „Amaro prijaťeľis o Lazar zasuča, ale džav, hoj les te uštavav.“

Skutki 7:60

Paľis peľa pro khoča a vičinďa zorale hangoha: „Rajeja, ma rachin lenge kada binos!“ Sar oda phenďa, zasuča.

1. Korinťanenge 11:30

Vašoda hin maškar tumende but džene slaba, nasvale the mule.

1. Korinťanenge 15:20

Ale o Kristus sas uštado andral o meriben sar ešebno olendar, ko mule.

1. Korinťanenge 15:51

Šunen, phenava tumenge o garudo čačipen: Savore na meraha, ale savore avaha čerimen –

1. Tesaloničanenge 4:14

Bo te amen pačas, hoj o Ježiš muľa a ušťiľa andral o meriben, ta akor pačas the oda, hoj o Del anela pale le Ježišoha olen, ko mule pačabnaha andre leste.

1. Tesaloničanenge 5:10

savo muľa vaš amenge, hoj te dživas jekhetane leha – či sam džide abo mule.