Matuš 27:27 - Le Devleskero Lav Andre Romaňi Čhib Slovensko 2021

²⁷ O slugaďa ile le Ježiš andre le vladariskro palacis a zgele pes pre leste caľi čata.

Matuš 27:27 ပူးပေါင်းရင်းမြစ်များ

Matuš 26:3

Akor pes zgele o bare rašaja, o zakoňika the o phuredera le nipengre andre dvora ko nekbareder rašaj Kajfaš.

O Evaňjelium le Janoskro 18:28

Avke ľigende le Ježiš khatar o Kajfaš andro palacis le Pilatoskro a sas tosara. Ale on na gele andre, hoj pes te na meľaren, bo kamle te chal le bakrores pre Patraďi.

O Evaňjelium le Janoskro 18:3

Avke iľa peha o Judaš jekh čata slugaďen the sluhen le nekbaredere rašajendar the Farizejendar. Sas len lampaša the aver švetla, šabľi the kopiji.

O Evaňjelium le Janoskro 18:33

Avke o Pilat geľa pale andro palacis, vičinďa le Ježiš a phučľa lestar: „Sal tu o židoviko kraľis?“

Skutki 10:1

Andre Cezarea sas varesavo murš, savo pes vičinelas Kornelius. Ov sas veľiťeľis upral o šel slugaďa andral e čata, so la vičinenas Italsko.

Skutki 23:35

phenďa: „Šunava tut avri, sar ade doavena ola džene, ko tut obviňinen.“ A prikazinďa, hoj les te stražinen andro palacis le Herodesoskro.

Skutki 27:1

Sar sas phendo, hoj te džas la loďaha andre Italija, oddine le Pavol the varesave avre bertenošen le veľiťeľiske, savo pes vičinelas Julius a sas andral e cisariskri čata.