Matuš 26:32 - Le Devleskero Lav Andre Romaňi Čhib Slovensko 2021

³² Ale sar uščava andral o meriben, džava anglal tumende andre Galileja.“

Matuš 26:32 ပူးပေါင်းရင်းမြစ်များ

Matuš 16:21

Akorestar chudňa o Ježiš te sikavel peskre učeňiken, hoj mušinel te džal andro Jeruzalem a but te cerpinel le phurederendar, le bare rašajendar the le zakoňikendar; hoj mušinela te merel a pal o trin džives te ušťel andral o meriben.

Matuš 20:19

Dena les le pohanenge, hoj lestar te asan a hoj les te zbičinen the te ukrižinen; ale pro trito džives ušťela andral o meriben.“

Matuš 26:33

Akor leske o Peter phenďa: „Te tut savore omukena, me tut šoha na omukava.“

Matuš 28:10

Akor lenge o Ježiš phenďa: „Ma daran tumen! Džan te phenel mire phralenge, hoj te džan andre Galileja. Ode man dikhena.“

Matuš 28:16

O dešujekh (11) učeňika gele andre Galileja pre oda verchos, kaj lenge phenďa o Ježiš.

Marek 14:28

Ale sar uščava andral o meriben, džava anglal tumende andre Galileja.“

Marek 16:7

Džan, phenen le učeňikenge the le Peteriske: ‚Džal andre Galileja anglal tumende a ode les dikhena, avke sar tumenge anglal phenďa.‘ “

1. Korinťanenge 15:6

Paloda pes jekhvareste sikaďa buter sar pandž šel (500) phralenge, savendar buter džene dživen mek dži akana, ale varesave imar the mule.