Matuš 2:4 - Le Devleskero Lav Andre Romaňi Čhib Slovensko 2021

⁴ A vičinďa savore anglune rašajen the le zakoňiken a phučľa lendar: „Kaj uľola o Kristus?“

Matuš 2:4 ပူးပေါင်းရင်းမြစ်များ

2. Kronicko 34:13

dodikhenas pre ola murša, save hordinenas o veci, a sas ačhade pre savore aver buča. Varesave Leviti sas pisara, uradňika the stražňika.

2. Kronicko 34:15

Akor o Chilkijah phenďa le pisariske le Šafanoske: „Andro Chramos arakhľom o zakonoskro zvitkos.“ Avke o Chilkijah les diňa le Šafanoske.

2. Kronicko 36:14

A mek ke oda the savore rašaja the judska vodci sas so buter napačivale le RAJESKE. Kerenas oda džungipen, so o narodi, save sas pašal lende. Lašarenas le modlen a avke meľarde o Chramos, so o RAJ pošvecinďa andro Jeruzalem.

Ezdraš 10:5

Avke o Ezdraš ušťiľa a phenďa le anglune rašajenge, le Levitenge the savore Izraelitenge, hoj te len vera, hoj doľikerena oda lav. A on ile vera.

Ezdraš 7:6

O Ezdraš avľa avri andral o Babilon a geľa andro Jeruzalem. Sas pisaris, savo mištes džanelas o zakonos le Mojžišoskro, so diňa o RAJ, o Del le Izraeloskro. O kraľis les delas savoro, so lestar mangelas, bo o vast le RAJESKRO, leskre Devleskro, sas upral leste.

Nehemiaš 12:7

o Salu, o Amok, o Chilkijah the o Jedajah. On sas o vodci le rašajenge the lengre phralenge andre oda časos, sar o Ješua sas nekbareder rašaj.

Žalmi 2:2

O kraľa pre phuv pes zdžan a o vodci pes dovakeren maškar peste, sar te džal pro RAJ the pre leskro pomazimen kraľis.

Jeremijaš 8:8

Sar šaj tumen phenen: „Amen sam goďaver, bo amen hin o zakonos le RAJESKRO“? Se dikh, tumare falošna učiťeľa le zakonoskre les čerinde a dopisinde andre o klamišagi.

Malachijaš 2:7

Se o vušta le rašaskre mušinen te chraňinel o prindžaripen, o sikaviben pes rodela avri leskre mujestar, bo ov hino poslos le Nekzoraleder RAJESKRO.

Matuš 13:52

A ov lenge phenďa: „Vašoda sako, ko sikavel o zakonos a ačhiľa učeňikos andro kraľišagos le ňeboskro, hino sar o chulaj, savo lel avri andral peskro barvaľipen the neve the purane veci.“

Matuš 2:3

Sar oda šunďa o kraľis Herodes, predaranďiľa a the calo Jeruzalem leha.

Matuš 2:5

On leske phende: „Andro Betlehem andre Judsko, bo avke pisinďa o prorokos:

Matuš 21:15

Ale sar dikhle o bare rašaja the o zakoňika ola zazraki, so kerelas, the le čhavoren, save viskinen andro chramos: „Hosanna le Davidoskre Čhaske!“ rušenas.

Matuš 21:23

Sar avľa andro chramos a sikavelas, avle ke leste o bare rašaja the o phuredera le nipengre a phende leske: „Sava zoraha keres kala veci? Ko tut diňa odi autorita?“

Matuš 26:3

Akor pes zgele o bare rašaja, o zakoňika the o phuredera le nipengre andre dvora ko nekbareder rašaj Kajfaš.

Matuš 26:47

Androda, medik o Ježiš vakerelas, avľa o Judaš, jekh le dešudujendar. Leha avenas but nipi le šabľenca the le pacenca andro vasta, save sas bičhade le bare rašajendar the le phurederendar.

Matuš 27:1

Sig tosara pes dovakerde savore bare rašaja the o phuredera le nipengre pro Ježiš, hoj les dena te murdarel.

Matuš 7:29

bo ov len sikavelas sar oda, kas hin autorita, a na sar lengre zakoňika.

Marek 8:31

Paľis len chudňa te sikavel, hoj o Čhavo le Manušeskro mušinela but te cerpinel, hoj na ela priilo le phurederendar, le nekbaredere rašajendar the le zakoňikendar a hoj mušinela te merel a pal o trin džives te ušťel andral o meriben.

Лукастар 20:19

O bare rašaja the o zakoňika les kamenas takoj te phandel andre, ale daranas pes le manušendar. Bo prindžarde, hoj kada podobenstvo phenďa pre lende.

Лукастар 23:10

Ačhenas ode o bare rašaja the o zakoňika a igen pre leste vakerenas.

O Evaňjelium le Janoskro 18:3

Avke iľa peha o Judaš jekh čata slugaďen the sluhen le nekbaredere rašajendar the Farizejendar. Sas len lampaša the aver švetla, šabľi the kopiji.

O Evaňjelium le Janoskro 3:10

O Ježiš leske odphenďa: „Se tu sal učiťeľis andro Izrael a kada na džanes?

O Evaňjelium le Janoskro 7:32

Ale sar šunde o Farizeja le nipen, hoj peske pal leste vakeren kajse veci, bičhade on the o bare rašaja peskre stražňiken, hoj les te zalen.

O Evaňjelium le Janoskro 8:3

O zakoňika the o Farizeja ande ke leste jekha džuvľa, sava arakhle te kerel lubipen, a thode la te ačhel maškaral.

Skutki 23:9

A sas olestar bari vika. Andre oda ušťile upre varesave Farizeja, save sas avrisikade andro židoviko zakonos, a phenenas: „Na dikhas ňič nalačho pre kada manuš. A so te ke leste prevakerďa o duchos abo o aňjelos? [Te na pes ačhavas le Devleske!]“

Skutki 4:5

Ačhiľa pes pro dujto džives tosara, hoj pes andro Jeruzalem zgele o vodci, o phuredera, o zakoňika,

Skutki 6:12

Avke marde upre le nipen, le phurederen the le zakoňiken. Avle pre leste, chudle les a ľigende les angle Bari Rada.