Matuš 19:5 - Le Devleskero Lav Andre Romaňi Čhib Slovensko 2021

⁵ A o Del mek phenďa: ‚Vašoda omukela o murš la da the le dades a ela jekhetane la romňaha a on duj džene ena jekh ťelos.‘

Matuš 19:5 ပူးပေါင်းရင်းမြစ်များ

1. Mojžišoskro 34:3

Akor pes o Šichem igen zakamľa andre le Jakoboskri čhaj Dina a kamelas te dochudel lakro jilo.

2. Samueloskro 1:26

Bari žaľa man hin pal tu, Jonatan, phraloro miro. Salas mange igen vzacno a tiro kamiben ke mande sas igen šukar, feder sar o kamiben le džuvľengro.

1. Kraľengro 11:2

On sas ole narodendar, pal save o RAJ le Izraelitenge phenďa: „Našťi tumenge len romňijen andral aver narodi, aňi on andral tumaro narodos, hoj tumen mandar te na odcirden pal peskre devla.“ Ale o Šalamun len the avke kamelas.

Žalmi 45:10

O čhaja le kraľengre hine maškar o džuvľa andre tiro palacis. Pre tiri čači sera ačhel e terňi le kraľiskri a pre late hin o somnakaj andral o Ofir.

Žalmi 63:8

Tu sal miri pomoca, vašoda giľavava radišagoha andro ciňos tire kridlengro.

Malachijaš 2:15

Či na kerďa tutar o Del laha jekh ťelos the duchos. A so oleha o Del kamľa te kerel? Hoj tumen te el čhave, so ena le Devleskre. Vašoda tumen chraňinen a ačhen pačivale tumare romňijenge, saven tumenge iľan, sar sanas terne.

Matuš 19:6

Avke imar nane duj, ale jekh ťelos. Vašoda oda, so o Del phandľa, o manuš te na rozphandel!“

Rimanenge 12:9

O kamiben mi el čačo a na dujemujengro. Mi džungľol tumenge o nalačhipen; ľikeren tumen le lačhipnastar.

1. Korinťanenge 6:16

Abo so na džanen, hoj oda, ko del peskro ťelos la lubňake, hino laha jekh ťelos? Se hin pisimen: „Ola duj džene ena jekh ťelos.“

1. Korinťanenge 7:2

Ale vaš oda, hoj pes te na kerel o lubipen, mi el dojekhe muršes leskri romňi a dojekha džuvľa lakro rom.

1. Korinťanenge 7:4

E džuvľi nane raňi peskre ťeloske, ale lakro rom – aňi o murš nane raj peskre ťeloske, ale leskri romňi.

Efežanenge 5:31

Avke sar hin pisimen: „Vašoda omukela o murš peskra da the peskre dades, ela jekhetane la romňaha a on duj džene ena jekh ťelos.“

5. Mojžišoskro 10:20

Daran tumen le RAJESTAR, tumare Devlestar, leske služinen, ľikeren tumen lestar a len vera ča andre leskro nav.

5. Mojžišoskro 11:22

Te doľikerena savore kala prikazaňja the zakoni, so tumenge dav, te kamena le RAJES, tumare Devles, a kerena savoro pal leskri voľa a ľikerena tumen lestar,

5. Mojžišoskro 4:4

Ale tumen, ko sanas pačivale le RAJESKE, adadžives mek dživen.

1. Samueloskro 18:1

Paloda, sar o David dovakerďa le Sauloha, o Jonatan ačhiľa sar jekh duša le Davidoha a kamelas le David sar pes korkores.

1. Samueloskro 25:43

O David peske iľa romňake the la Achinoama andral o Jezreel. Soduj ačhile leskre romňija.