Matuš 17:20 - Le Devleskero Lav Andre Romaňi Čhib Slovensko 2021

²⁰ Ov lenge phenďa: „Vašoda, hoj frima pačan. Bo phenav tumenge, te tumen uľahas ča ajso pačaben sar o horčično zrnkos, phenena kale verchoske: ‚Predža kadarik kode!‘ – a predžala. A na ela ňič, so našťi kerena.

Matuš 17:20 ပူးပေါင်းရင်းမြစ်များ

Matuš 13:31

A pale lenge phenďa aver podobenstvo: „O ňeboskro kraľišagos hino sar o horčično zrnkos, so iľa o manuš a sadzinďa pre peskri maľa.

Matuš 14:29

„Av!“ phenďa o Ježiš. Avke o Peter geľa avri andral e loďka, phirelas pal o paňi a džalas ko Ježiš.

Matuš 17:17

O Ježiš odphenďa: „Manušale bi o pačaben! Tumen previsarde manušale, mek dži kana tumenca avava? Dži kana mek tumen zľidžava? Anen les mange kade!“

Matuš 17:19

Paľis avle o učeňika korkore paš o Ježiš a phende: „Soske les amen našťi tradňam avri?“

Matuš 17:9

Sar avenas tele pal o verchos, phenďa lenge o Ježiš: „Ma vakeren avri ňikaske pal oda, so dikhľan, medik o Čhavo le Manušeskro na ušťela andral o meriben!“

Matuš 21:21

O Ježiš lenge odphenďa: „Čačipen tumenge phenav, te tumen uľahas pačaben a na pochibinďanas, kerďanas the tumen oda, so kerďom me le figovňikoha. A na ča kada, ale te phenďanas kale verchoske: ‚Hazde tut a čhiv tut andro moros!‘ ačhiľahas pes oda.

Matuš 8:26

Ov lenge phenďa: „Soske tumen daran, manušale cikne pačabnaha!“ Avke ušťiľa, pokarhinďa e balvaj the o moros a sas igen čhit.

Marek 11:22

O Ježiš odphenďa le učeňikenge: „Pačan le Devleske!

Marek 11:23

Bo čačipen tumenge phenav, hoj te vareko phenela kale verchoske: ‚Hazde tut a čhiv tut andro moros‘ a te na pochibinela andre peskro jilo, a pačala, hoj pes ačhela oda, so phenel, akor pes leske oda ačhela.

Marek 4:31

Hino sar o horčično zrnkos, savo sar pes sadzinel, hino nekcikneder savore semenendar pre phuv.

Marek 9:23

O Ježiš leske odphenďa: „Soske phenes: ‚Te šaj?‘ Oleske, ko pačal, pes šaj ačhel savoro!“

Лукастар 1:37

Bo o Del šaj kerel savoro.“

Лукастар 17:6

O Raj phenďa: „Te tumen uľahas o pačaben sar o horčično zrnkos, phenďanas kale stromoske: ‚Cirde tut avri the le koreňenca a zasadzin tut andro moros,‘ šunďahas tumen.“

Лукастар 18:27

O Ježiš odphenďa: „Oda, so našťi keren o manuša, o Del šaj kerel.“

O Evaňjelium le Janoskro 11:40

O Ježiš lake phenďa: „Či tuke na phenďom, hoj te pačaha, dikheha le Devleskri slava?“

1. Korinťanenge 12:9

avreske o pačaben ole jekhe Duchostar; avreske o dari te sasťarel ole jekhe Duchostar;

1. Korinťanenge 13:2

Kajte man uľahas o daros te prorokinel a achaľiľomas savore garuďipena, kajte man uľahas savoro prindžaripen, abo ajso pačaben, hoj o verchi prethoďomas, ale na uľahas man o kamiben, ňič na som.

Židenge 3:19

Avke dikhas, hoj našťi gele andro odpočinkos, bo na pačanas.