Matuš 15:6 - Le Devleskero Lav Andre Romaňi Čhib Slovensko 2021

⁶ Avke tumen phenen, hoj na kampel te del pačiv la da vaj le dades. Kajse tumare tradicijenca musaren le Devleskro prikazaňje.

Matuš 15:6 ပူးပေါင်းရင်းမြစ်များ

Žalmi 119:126

RAJEJA, imar tuke kampel vareso te kerel, bo na šunen tiro zakonos.

Žalmi 119:139

E choľi, so andre ma labol vaš tuke, man chal, bo mire ňeprijaťeľa bisterde pre tiro lav.

Jeremijaš 8:8

Sar šaj tumen phenen: „Amen sam goďaver, bo amen hin o zakonos le RAJESKRO“? Se dikh, tumare falošna učiťeľa le zakonoskre les čerinde a dopisinde andre o klamišagi.

Hozeaš 4:6

Mire manuša meren, bo man na prindžaren. Vašoda, hoj tumen odčhiďan o prindžaripen, me tumen odčhivava andral e rašajiko služba. Vašoda, hoj bisterďan pro zakonos tumare Devleskro, the me bisterava pre tumare čhave.

Matuš 15:5

Ale tumen phenen: ‚Sako, ko phenďahas la dake abo le dadeske: Oda, so šaj diňomas tumenge, thoďom pre sera le Devleske sar daros, našťi tumenge oda dav.‘

Matuš 15:7

Tumen dujemujengre, mištes pal tumende prorokinelas o prorokos Izajaš, sar phenďa:

Marek 7:13

Kajse tradicijenca, so ľikeren a poden dureder, musaren le Devleskro Lav. A mek the but aver kajse veci keren!“

Rimanenge 3:31

Abo či amen tele čhivas o zakonos le pačabnaha? Na, šoha na! Ipen hoj previsar: Amen upre hazdas o zakonos.

1. Timoteoske 5:16

Te varesava pačabnaskra džuvľa hin vdova andre lakri famelija, mi starinel pes pal late, hoj te na avel pre khangeri o starišagos, hoj e khangeri pes te starinel pal ola, ko hine čačes vdovi.

1. Timoteoske 5:8

bo te pes vareko na starinel pal peskri famelija a meksa buter pal ola džene, ko leha dživen andro kher, akor zaprinďa o pačaben a hino goreder sar o napačabnaskre.