Matuš 12:36 - Le Devleskero Lav Andre Romaňi Čhib Slovensko 2021

³⁶ Ale phenav tumenge, hoj pro sudno džives počinena o manuša vaš dojekh lav, so phenena ča avke.

Matuš 12:36 ပူးပေါင်းရင်းမြစ်များ

Kazaťeľis 12:14

Bo o Del sudzinela dojekh skutkos the savoro, so hin garudo, či lačho abo nalačho.

Matuš 10:15

Čačipen phenav tumenge, hoj lokeder ela le manušenge andral e Sodoma the Gomora pro sudno džives sar ole foroske.“

Matuš 11:22

Ale phenav tumenge, hoj le forenge Tir the Sidon ela lokeder pro sudno džives sar tumenge.

Matuš 12:37

Bo tire lavendar aveha ospravedlňimen a tire lavendar aveha odsudzimen.“

Rimanenge 14:12

Avke sako amendar odphenela korkoro vaš peste le Devleske vaš oda, sar dživelas.

Rimanenge 2:16

Kada pes sikavela andre oda džives, sar o Del sudzinela prekal o Ježiš Kristus o garude veci le manušengre, avke sar oda vakeravas andre miro evaňjelium.

Jakob 3:6

E čhib hiňi jag, o svetos le nalačhipnaskro maškar amare ťeloskre kotora. Meľarel andre calo amaro ťelos. Rozlabarel calo manušeskro dživipen a korkori hiňi podlabarďi le peklostar.

Zjaveňje 20:12

A dikhľom le mulen, le ciknen the le baren, te ačhel anglo tronos le Devleskro. A phundrade pes o kňižki a phundraďa pes the aver kňižka, e kňižka le dživipnaskri. O mule sas sudzimen pal oda, so sas pisimen andro kňižki, pal lengre skutki.