Matuš 12:22 - Le Devleskero Lav Andre Romaňi Čhib Slovensko 2021

²² Akor ke leste ande jekhe manušes zaphandles le demonoha, savo sas koro the ňemo, a ov les sasťarďa avke, hoj dikhelas the vakerelas.

Matuš 12:22 ပူးပေါင်းရင်းမြစ်များ

Žalmi 51:15

Avke šaj sikavava le binošnen tire droma, hoj pes te visaren ke tute.

Izajaš 29:18

Andre oda džives o kašuke šunena o lava la zvitkoskre, o jakha le korengre pes phundravena andral o baro kaľipen.

Matuš 4:24

A rozľigenďa pes pal leste o hiros pal caľi Sirija. Anenas ke leste savoren, ko sas nasvale a cerpinenas andro dukha, olen, ko sas zaphandle le demonenca abo saven sas epilepsija, a the le kaľiken. A o Ježiš len sasťarelas.

Marek 3:11

A the o nalačhe duchi, sar les dikhenas, perenas anglal leste a vičinenas: „Tu sal o Čhavo le Devleskro!“

Skutki 26:18

hoj lenge te phundraves o jakha, hoj pes te visaren le kaľipnastar ko švetlos a le bengeskra zoratar ko Del, hoj pes lenge te odmuken o bini a te chuden o than maškar ola, so pačabnaha andre ma ačhile sveta.‘

2. Tesaloničanenge 2:9

Oda Manuš le Binoskro avela savora zoraha le satanostar a kerela falošna znameňja the zazraki,