Matuš 10:36 - Le Devleskero Lav Andre Romaňi Čhib Slovensko 2021

³⁶ a o ňeprijaťeľa le manušeskre ena andre leskri famelija.

Matuš 10:36 ပူးပေါင်းရင်းမြစ်များ

1. Mojžišoskro 3:15

A kerava o ňeprijaťeľstvo maškar tu the maškar e džuvľi, maškar tiro potomkos the maškar lakro potomkos. Ov tuke rozmarela o šero a tu leske dukhaveha e peta.“

2. Samueloskro 16:11

Paľis o David phenďa le Abišajoske the savore peskre služobňikenge: „Se miro čhavo, savo hino mandar, man kamel te murdarel a so mek buter kada Benjaminčanos? Muken les, mi košel man, bo o RAJ leske oda phenďa.

Žalmi 41:9

Phenen peske: „Avľa pre leste o nalačho nasvaľiben; ko kavke zapašľiľa, imar na ušťela upre.“

Žalmi 55:13

Te mange dophenďahas oda, ko pre ma džal, birinďomas oda te zľidžal a te pre ma avľahas oda, ko man našťi avri ačhel, garuďomas man leske.

Izajaš 19:2

„Kerava upre le Egipťanen pre peste; marela pes o phral le phraleha, o susedas le susedoha, o foros le foroha, o kraľišagos le kraľišagoha.

Jeremijaš 12:6

Se mek the tire phrala, e famelija andral tiro kher, pes tutar visarde a namištes pre tu vakeren. Ma pača lenge, kajte tuha vakerena gulones.“

Jeremijaš 20:10

Šunav but dženen te šepkinel: „E bari dar hin všadzik! Den les andre! Daha les andre!“ Savore mire prijaťeľa užaren pre oda, hoj perava, a phenen: „Ko džanel, či les na klaminaha, a oleha les domaraha a pomsťinaha pes leske.“

Micheaš 7:6

Bo o čhavo tele dikhel le dades, e čhaj džal pre daj, e bori pre sasuj a o ňeprijaťeľa le manušeskre hine andral leskri famelija.

Matuš 10:21

O phral le phrales dela te murdarel a o dad le čhas a o čhave ušťena upre pre daj the pro dad a murdarena len.

O Evaňjelium le Janoskro 13:8

O Peter leske phenďa: „Šoha tuke na domukava, hoj mange te thoves o pindre!“ Ale o Ježiš leske odphenďa: „Te tuke na thovava o pindre, na aveha buter miro učeňikos.“

1. Samueloskro 17:28

Sar šunďa le Davidoskro nekphureder phral o Eliab oda, so vakerel o David le muršenca, choľisaľiľa pre leste a phenďa: „Soske kade avľal? Paš kaste mukľal oda cikno stadocis pre pušťa? Me prindžarav tiro baripen the tiro nalačho jilo! Avľal kade ča vašoda, hoj te dikhes o mariben!“