Marek 9:21 - Le Devleskero Lav Andre Romaňi Čhib Slovensko 2021

²¹ O Ježiš phučľa leskre dadestar: „Kanastar hino ajso?“ Ov odphenďa: „Imar čhavorestar.

Marek 9:21 ပူးပေါင်းရင်းမြစ်များ

O Job 14:1

„Dojekh manuš dživel ča sikra a hin les pherdo pharipen.

O Job 5:7

Čačes, o manuš uľol pro trapišagos, oda hin ajso čačipen sar oda, hoj o iskri ľecinen upre.

Žalmi 51:5

Bo me džanav mire nalačhipnastar a miro binos mange avel furt pre goďi.

Marek 5:25

A sas ode jekh džuvľi, savi sas dešuduj (12) berš nasvaľi pro džuvľikano nasvaľiben.

Marek 9:20

Avke les ande paš leste, a sar oda duchos dikhľa le Ježiš, čhivkerelas le čhavoreha. Peľa pre phuv, kuľinelas pes a pro muj leske marelas o peni.

Marek 9:22

Buterval les o nalačho duchos čhivelas andre jag abo andro paňi, hoj les te murdarel. Te šaj vareso keres, av jileskro ke amende a pomožin amenge.“

Лукастар 13:16

Akor soske kadi džuvľi, so hiňi le Abrahamoskri čhaj, sava o beng zaphandľa andre imar dešuochto berš, našťi uľa oslobodzimen pro šabat olestar, so la phandelas andre?“

Лукастар 8:43

Sas maškar lende varesavi džuvľi, savi sas dešuduj berš nasvaľi pro džuvľikano nasvaľiben a diňa le doktorenge savoro, so la sas, ale ňiko la našťi sasťarďa avri.

O Evaňjelium le Janoskro 9:1

Sar džalas o Ježiš dikhľa jekhe manušes, savo sas koro, kanastar uľiľa.

Skutki 14:8

Andre Listra bešelas varesavo murš, savo sas kaľikos pro pindre, kanastar uľiľa, a mek šoha na phirďa.

Skutki 3:2

A ipen akor ode anenas varesave muršes, savo sas bango, kanastar uľiľa. Sako džives les hordinenas paš e chramoskri brana, savi pes vičinel Šukar, hoj te žobrinel olendar, ko džanas andro chramos.

Skutki 4:22

Ole manušeske, so sasťiľa avri, sas buter sar saranda (40) berš.

Skutki 9:33

A arakhľa ode varesave manušes, savo pes vičinelas Eneaš. Ov sas kaľikos a ochto beršendar pašľolas ča andro hadžos.