Marek 9:10 - Le Devleskero Lav Andre Romaňi Čhib Slovensko 2021

¹⁰ On doľikerde oda, so lenge o Ježiš phenďa, ale phučenas jekh avrestar: „So oleha gondoľinel, sar phenel, hoj ušťela andral o meriben?“

Marek 9:10 ပူးပေါင်းရင်းမြစ်များ

1. Mojžišoskro 37:11

Vašoda pre leste leskre phrala žjarlinenas, ale o dad gondoľinelas furt pal oda suno.

Matuš 16:22

Akor les iľa o Peter pre sera a chudňa leske zorales te dovakerel: „Te na del o Del, Rajeja! Kada pes tuke našťi ačhel!“

Marek 9:11

A phučle lestar: „Soske phenen o zakoňika, hoj ešeb mušinel te avel o Eliaš?“

Marek 9:32

O učeňika na achaľonas ole laveske, ale daranas pes lestar te phučel.

Marek 9:9

Sar avenas tele pal o verchos, phenďa lenge o Ježiš, hoj oda, so dikhle, te na vakeren ňikaske avri, medik o Čhavo le Manušeskro na ušťela andral o meriben.

O Evaňjelium le Janoskro 12:16

Leskre učeňika oda mek akor na achaľile, ale sar sas o Ježiš oslavimen, avľa lenge pre goďi, hoj kada sas pal leste pisimen, a avke pes oda the ačhiľa.

Skutki 17:18

Avke pes leha chudle te vesekedinel varesave filozofa the mudrci: o epikurejci the stoici. Jekh phenenas: „So kamel kada bebľošis te phenel?“ A aver phenenas: „Avke pes oda dičhol, hoj ov vakerel pal varesave aver devla.“ Bo o Pavol lenge vakerelas pal o Ježiš the pal o ušťiben andral o meriben.