Marek 7:15 - Le Devleskero Lav Andre Romaňi Čhib Slovensko 2021

¹⁵ Le manušes na meľarel oda, so chal, ale oda, so avel avri andral leskro jilo.

Marek 7:15 ပူးပေါင်းရင်းမြစ်များ

Prislovja 4:23

Nekbuter savorestar tuke chraňin tiro jilo, bo lestar avel o dživipen.

Matuš 12:34

Tumen sapale, sar šaj vakeren lačhe veci, te tumen san nalačhe? Bo soha hin pherardo o jilo, oda o muj vakerel.

Matuš 15:16

A o Ježiš phučľa: „So the tumen mek na achaľon?

Marek 7:14

Paľis vičinďa ke peste le nipen a phenďa lenge: „Šunen man, savore, a achaľon!

Marek 7:16

[Te hin varekas kana, hoj te šunel, mi šunel!]“

Skutki 10:28

A phenďa lenge: „Tumen džanen, hoj le manušeske, so hino Židos, nane domuklo te džal andro kher ke ajso manuš, so nane Židos aňi pes leha te arakhel. Ale mange sikaďa o Del, hoj te na phenav pal varesavo manuš, hoj hino nažužo abo melalo.

Rimanenge 14:17

Bo o kraľišagos le Devleskro nane o chaben the o pijiben, ale o spravodľišagos, o smirom the o radišagos andro Sveto Duchos.

1. Korinťanenge 10:25

Savoro, so pes bikenel pro pľacos, chan a ma phučen ňič angle tumaro svedomje.

Titoske 1:15

Le žuženge hin savoro žužo. Ale le melalenge the olenge, ko na pačan, nane ňič žužo a meľarďi hin the lengri goďi the lengro svedomje.

Židenge 13:9

Ma den tumen te odlel le všelijake avre sikavibenenca. Bo hin mištes, te o jilo hino zoraľardo le Devleskra milosťatar a na ole zakonendar pal o chabena, so nane pre chasna olenge, ko oda doľikeren.

Židenge 9:10

Bo oda hin ča pal o chaben, pal o pijiben the pal o všelijaka sposobi, sar pes te žužarel. Oda hin ča o avrune predpisi, save ľikeren ča dži akor, medik pes na kerela neve.