Marek 5:39 - Le Devleskero Lav Andre Romaňi Čhib Slovensko 2021

³⁹ O Ježiš geľa andre a phenďa lenge: „Soske keren ajsi bari vika a roven, se e čhajori na muľa, oj ča sovel!“

Marek 5:39 ပူးပေါင်းရင်းမြစ်များ

Daniel 12:2

A but olendar, ko soven andro prachos la phuvakro, ušťena upre; jekh pro večno dživipen, ale aver ena teledikhle the andre ladž pro furt.

Matuš 9:24

Phenďa lenge: „Džan het, bo e čhajori na muľa, oj ča sovel.“ Ale asanas lestar.

Marek 5:38

Avle andro kher ko Jairus a dikhle ode but manušen te rovel a te kerel bari vika.

Marek 5:40

A chudle lestar te asal. Ale ov tradňa savoren avri, iľa la čhajorakra da the dades a the olen, ko sas leha, a geľa pre oda than, kaj pašľolas e čhajori.

Skutki 20:10

Ale o Pavol geľa tele, čhiďa pes pre leste, obchudňa les a phenďa: „Ma daran tumen, bo leskri duša hiňi andre leste.“

1. Korinťanenge 11:30

Vašoda hin maškar tumende but džene slaba, nasvale the mule.

1. Tesaloničanenge 5:10

savo muľa vaš amenge, hoj te dživas jekhetane leha – či sam džide abo mule.