Marek 5:23 - Le Devleskero Lav Andre Romaňi Čhib Slovensko 2021

²³ a igen les mangelas: „E čhajori mange merel. Mangav tut, av a thov pre late tire vasta, hoj te sasťol avri a te dživel.“

Marek 5:23 ပူးပေါင်းရင်းမြစ်များ

2. Kraľengro 5:11

Ale o Naaman choľisaľiľa, geľa het a phenďa: „Gondoľinavas mange, hoj avela ke ma a modľinela pes ko RAJ, ke peskro Del, kerela le vasteha upral oda nasvalo than pre miri cipa a me sasťuvava avri!

Žalmi 107:19

Akor andre peskro pharipen vičinenas ko RAJ a ov len zachraňinďa andral o trapišagos.

Žalmi 50:15

Vičin pre ma oda džives, sar tuke ela phares, me tut zachraňinava a tu man lašareha.“

Matuš 8:3

O Ježiš nacirdňa o vast, chudňa pes lestar a phenďa: „Kamav, av sasto!“ A takoj sas žužo andral o malomocenstvo.

Marek 16:18

Le sapen lena andro vasta, a kajte pilehas o meribnaskro jedos, ňič lende na ela. Pro nasvale thovena o vasta a sasťona avri.“

Marek 5:24

A o Ježiš leha geľa. Džanas pal leste igen but nipi a ispidenas pes pre leste pal savore seri.

Marek 6:13

Tradenas avri but demonen a makhenas but nasvalen le olejoha a sasťarenas len avri.

Marek 7:32

A ande ke leste jekhe manušes, savo sas kašuko the igen šepetľivo, a mangenas les, hoj te thovel pre leste o vasta.

Marek 8:23

O Ježiš chudňa le kores vastestar a iľa les avri andral o gav. Ode leske le šľinenca makhľa o jakha, thoďa pre leste o vasta a phučľa lestar: „Dikhes vareso?“

Лукастар 13:13

Thoďa pre late o vasta a oj takoj rovňisaľiľa avri a lašarelas le Devles.

Лукастар 4:38

Paľis o Ježiš ušťiľa, avľa avri andral e sinagoga a geľa andro kher ko Šimon. A le Šimonoskra sasa sas bari horučka a mangenas les, hoj lake te pomožinel.

Лукастар 4:40

Paľis rači, sar zageľa o kham, anenas ko Ježiš savoredžene peskre nasvalen, save cerpinenas andro všelijaka nasvaľibena. A ov thovelas o vasta pre dojekh lendar a sasťarelas len.

Лукастар 7:12

Sar doavľa paš e foroskri brana, ipen akor ľidžanas avri jekhe mules. Oda sas jekhoro čhavo peskra dakro, savi sas vdova, a džanas laha igen but nipi andral o foros.

O Evaňjelium le Janoskro 11:3

Avke ola pheňa bičhade pal o Ježiš, hoj leske te phenen: „Rajeja, oda, kas tu rado dikhes, hino nasvalo.“

Skutki 28:8

Ačhiľa pes, hoj le Publiuskro dad pašľolas strapimen andre horučka a igen les pretradelas. O Pavol geľa ke leste, modľinďa pes, thoďa pre leste o vasta a sasťarďa les.

Skutki 6:6

Ačhade len anglo apoštola a on pes pre lende modľinde a thode pre lende o vasta.

Skutki 8:17

Avke pre lende thode o vasta a on priile le Svete Duchos.

Skutki 9:12

Ov dikhľa andro viďeňje muršes, savo pes vičinel Ananijaš, savo avľa paš leste a thoďa pre leste o vasta, hoj te dikhel.“

Skutki 9:17

Akor odgeľa o Ananijaš a geľa andro kher, thoďa pre leste o vasta a phenďa: „Saul, phrala! O Raj o Ježiš, savo pes tuke sikaďa pro drom, sar avehas kade, man bičhaďa, hoj pale te dikhes a te aves naplňimen le Svete Duchoha.“