Marek 5:18 - Le Devleskero Lav Andre Romaňi Čhib Slovensko 2021

¹⁸ Sar džalas o Ježiš andre loďka, mangelas les oda, ko sas posadnuto: „Domuk mange te džal tuha!“

Marek 5:18 ပူးပေါင်းရင်းမြစ်များ

Žalmi 116:12

So me šaj dav le RAJES vaš savoro lačhipen, so mange kerďa?

Matuš 4:24

A rozľigenďa pes pal leste o hiros pal caľi Sirija. Anenas ke leste savoren, ko sas nasvale a cerpinenas andro dukha, olen, ko sas zaphandle le demonenca abo saven sas epilepsija, a the le kaľiken. A o Ježiš len sasťarelas.

Marek 5:15

A sar avle paš o Ježiš a dikhle oles, andre kaste sas oda Legion, hoj bešel, hino urdo a hino paš e goďi, igen predaranďile.

Marek 5:16

Ola, so oda dikhle, vakerenas le manušenge, so pes ačhiľa ole posadnute manušeha the le balenca.

Marek 5:17

Avke o manuša chudle te mangel le Ježiš, hoj te džal avri andral lengri phuv.

Marek 5:7

a vičinďa zorale hangoha: „So mandar kames, Ježiš, Čhavo le Nekbareder Devleskro? Mangav tut pro Del, ma trapin man!“