Marek 4:28 - Le Devleskero Lav Andre Romaňi Čhib Slovensko 2021

²⁸ Bo e phuv del uľipen korkori pestar – ešeb e prajta, paľis o klasos a paľis but zrnos andro klasos.

Marek 4:28 ပူးပေါင်းရင်းမြစ်များ

1. Mojžišoskro 2:9

A o RAJ, o Del, diňa te barol andral e phuv všelijaka stromi, so sas šukar pro jakha a igen lačhe te chal. Maškar e zahrada diňa te barol avri o stromos le dživipnaskro a the o stromos le prindžaripnaskro, savo del te džanel, so hin lačho a so nalačho.

Žalmi 1:3

Hino sar o stromos sadzimen paš o paňi, so anel o uľipen andre peskro časos; leskre prajti na šučon avri a savoro, so kerel, avel leske avri.

Prislovja 4:18

O chodňikos le čačipnaskerengro hino sar o tosaraskro kham, so švicinel zoraleder the zoraleder medik nane o džives.

Kazaťeľis 3:1

Savoreske hin dino peskro časos, o lačho ideos pre savoreste, so pes kerel pre phuv:

Kazaťeľis 3:11

O Del kerďa savoro igen šukares andre peskro časos. Ov thoďa the e večnosť le manušenge andro jile, ale o manuš našťi calkom achaľol, so o Del kerel anglunestar dži o koňec.

Izajaš 61:11

Bo avke sar andral e phuv aven avri o rastlini a o semena baron andre zahrada, avke o RAJ, o Adonaj, kerela, hoj te avel avri o spravodľišagos a savore narodi les te lašaren.

Hozeaš 6:3

Aven, sprindžaras le RAJES! Keras sa, hoj les te sprindžaras. Avke sar hin isto, hoj o kham avela avri, avke hin isto the oda, hoj ov avela; avela sar o brišind, so avel jesone the jarone, sar o brišind, so poľivinel e phuv.

Matuš 13:26

Sar bariľa e pšeňica a anďa o uľipen, akor pes sikaďa the o kukoľ.

Marek 4:27

Rači džal te sovel, tosara ušťel a o zrnos pes pučinel avri a barol; a ov aňi na džanel sar.

Marek 4:29

A sar dobarol o zrnos, takoj pes bičhavel te košinel, bo avľa e žatva.“

Filipanenge 1:6

Vašoda pačav, hoj o Del dokerela e lačhi buči, so andre tumende chudňa te kerel, dži andre oda džives, sar o Ježiš Kristus avela pale.

Kološanenge 1:10

Mangas, hoj te dživen avke, sar tumendar oda o Raj kamel, a hoj leske te aven andre savoreste pre dzeka, a te anen o ovocje andre savore lačhe veci, so kerena, a hoj furt buter a buter te prindžaren le Devles.