Marek 16:5 - Le Devleskero Lav Andre Romaňi Čhib Slovensko 2021

⁵ Avke gele andro hrobos a dikhle, hoj pre čači sera bešel terno manuš, urdo andro parne gada, a daranďile pes.

Marek 16:5 ပူးပေါင်းရင်းမြစ်များ

Daniel 10:12

Paľis mange phenďa: „Ma dara tut, Daniel, bo ešebne dživesestar, kanastar tuke zaiľal andro jilo, hoj kames te achaľol, a chudňal tut te pokorinel anglo Del, sas tire lava avrišunde a me vaš oda avľom.

Daniel 8:17

Paľis o Gabriel avľa ode, kaj ačhavas. Sar avelas pašeder, predaranďiľom a peľom pro muj. Phenďa mange: „Manušeja, achaľuv, hoj kada viďeňje hin pal o posledno časos.“

Matuš 28:3

Leskro muj švicinelas sar bleskos a leskre gada sas parne sar jiv.

Marek 1:27

Savore pes čudaľinenas a phučenas jekh avrestar: „Oda so hin kada? Nevo sikaviben? Bo andre autorita prikazinel le nalačhe duchenge a on les šunen!“

Marek 14:33

Iľa peha ča le Peter, le Jakob the le Jan a sas leske igen phares.

Marek 16:4

Ale sar dikhle feder, dikhle, hoj oda bar, so sas igen baro, imar hino odčhido.

Marek 9:15

A soča ola manuša dikhle le Ježiš, igen radisaľile a denašle ke leste a pozdravinde les.

Лукастар 1:12

Sar les dikhľa o Zachariaš, predaranďiľa a avľa pre leste bari dar.

O Evaňjelium le Janoskro 20:8

Akor geľa andre the o dujto učeňikos, savo sas ešebno paš o hrobos, a dikhľa a pačanďiľa.