Marek 14:55 - Le Devleskero Lav Andre Romaňi Čhib Slovensko 2021

⁵⁵ O bare rašaja the e caľi Bari Rada kamenas te arakhel vareso pro Ježiš, hoj les te murdaren, ale našťi arakhle.

Marek 14:55 ပူးပေါင်းရင်းမြစ်များ

1. Kraľengro 21:10

Arakhen varesave bijedevleskre muršen a thoven len te bešel anglal leste. Mi phenen pre leste, hoj prekošelas le Devles the le kraľis. Paľis les mi len avri andral o foros a mi čhivkeren andre leste le barenca, medik na merela!“

1. Kraľengro 21:13

Akor avle ola duj bijedevleskre murša, bešle anglal leste a chudle te vakerel pro Nabot, hoj prekošelas le Devles the le kraľis. Avke les o manuša ile avri andral o foros a čhivkerenas andre leste le barenca, medik na muľa.

Žalmi 27:12

Ma de man andro vasta le ňeprijaťeľenge, bo vakeren pre ma o klamišagi a dojekhe laveha man daraven avri le maribnaha.

Žalmi 35:11

Aven pre ma o falošna švedki a phučen mandar oda, pal soste aňi na džanav.

Daniel 6:4

Pal varesavo časos o Daniel sikaďa, hoj feder kerel peskri buči sar okla aver uradňika the vladara, bo sas goďavereder, a vašoda les o kraľis gondoľinelas te ačhavel upral calo kraľišagos.

Matuš 5:22

Ale me tumenge phenav, hoj sako, ko rušel pre peskro phral, mušinel te džal pro sudos. Sako, ko phenďahas peskre phraleske: ‚Tu demado!‘, mušinel te džal angle Bari Rada. A sako, ko phenďahas: ‚Tu dilino!‘, ela čhido andro jagalo peklos.

Marek 14:56

But džene pro Ježiš falošňe svedčinenas, ale o lava lenge na pasinenas.

O Evaňjelium le Janoskro 18:19

O nekbareder rašaj phučelas le Ježišostar pal o učeňika the pal leskro sikaviben.

O Evaňjelium le Janoskro 18:21

So mandar phučes? Phuč olendar, ko šunenas, so lenge vakeravas. On džanen, so vakerďom.“