Marek 11:1 - Le Devleskero Lav Andre Romaňi Čhib Slovensko 2021

¹ Sar imar sas pašes paš o Jeruzalem, paš e Betfaga the Betanija pro Olivovo verchos, bičhaďa o Ježiš duje peskre učeňiken

Marek 11:1 ပူးပေါင်းရင်းမြစ်များ

2. Samueloskro 15:30

Paľis o David džalas pindrango upre pro Olivovo verchos, le dromeha rovelas a o šero peske zaučharďa andre. A the savore manuša, so leha sas, peske zaučharde andre o šere a rovenas.

Zacharijaš 14:4

Andre oda džives ačhela le pindrenca pro Olivovo Verchos, so hino pro vichodos le Jeruzalemostar. O Olivovo Verchos pharola pro jepaš – le vichodostar dži o zapados – a kerela pes igen bari dolina. Jepaš verchos džala pro severos a jepaš pro juhos.

Matuš 21:17

O Ježiš len ode mukľa, geľa avri andral o foros andre Betanija a ode presuča.

Matuš 24:3

Sar bešelas pro Olivovo verchos, avle pal leste leskre učeňika korkore a phende leske: „Phen amenge, kana oda avela. Pal soste prindžaraha, hoj tu aves a imar hin o koňec le svetoskro?“

Matuš 26:30

Paloda, sar giľade chvala, gele pro Olivovo verchos.

Marek 11:2

a phenďa lenge: „Džan andre kada gav, so hin angle tumende, a takoj soča džana andre, arakhena zaphandles somaricis, pre savo mek šoha ňiko na bešľa. Odphanden les a anen les kade.

Marek 13:3

Sar bešelas pre Olivovo brehos, khatar dičhol o chramos, sas leha korkore o Peter, o Jakob, o Jan the o Andrej a phučle lestar:

Marek 14:13

Akor bičhaďa duje peskre učeňiken a phenďa lenge: „Džan andro foros. Ode pes tumenca arakhela manuš, savo ľidžala jekh džbanos paňi. Džan pal leste

Marek 6:7

Vičinďa ke peste le dešudujen (12) a bičhaďa len avri po duje dženen. Diňa len zor upral o nalačhe duchi.

O Evaňjelium le Janoskro 8:1

O Ježiš geľa pro Olivovo verchos.

Skutki 1:12

Paľis gele pale andro Jeruzalem pal o Olivovo Verchos, so hin vaj jekh kilometros paš o Jeruzalem.