Marek 10:2 - Le Devleskero Lav Andre Romaňi Čhib Slovensko 2021

² Androda ke leste avle o Farizeja a phučle lestar, či šaj omukel o rom peskra romňa, bo kamenas les te chudel avri.

Marek 10:2 ပူးပေါင်းရင်းမြစ်များ

Malachijaš 2:16

„Našťi avri ačhav, sar pes vareko rozdžal la romňaha,“ phenel o RAJ, o Del le Izraeloskro, „bo oleha igen dukhavel peskra romňa,“ phenel o Nekzoraleder RAJ. Vašoda tumen chraňinen, hoj te na aven napačivale.

Matuš 15:12

Akor avle leskre učeňika a phende leske: „Džanes, hoj o Farizeja rušle, sar šunde oda lav?“

Matuš 16:1

Avle ke leste varesave Farizeja the Saduceja, bo les kamenas te skušinel avri. Mangenas les, hoj lenge te sikavel znameňje andral o ňebos.

Matuš 19:3

Avle ke leste o Farizeja a kamenas les te chudel andro lav. Phučle lestar: „Či šaj omukel o rom peskra romňa, vaš soste ča kamel?“

Matuš 22:35

Jekh lendar, zakoňikos, phučľa le Ježišostar, hoj les te chudel avri:

Matuš 23:13

„Ale vigos tumenge, zakoňikale the Farizejale, tumen dujemujengre! Bo phanden andre le nipenge o ňeboskro kraľišagos – tumen korkore andre na džan a olenge, ko kamlehas te džal andre, na domuken.

Matuš 9:34

Ale o Farizeja phenenas: „Le nekbaredere demonoha tradel avri le demonen!“

Marek 10:1

O Ježiš odarik ušťiľa a geľa andre Judsko the andre phuv pal o Jordan. A pale pes zgele paš leste igen but nipi a ov len sikavelas avke sar furt.

Marek 10:3

O Ježiš lendar phučľa: „So tumenge prikazinďa o Mojžiš?“

Marek 8:11

Avle paš leste o Farizeja a chudle pes leha te kerel. Mangenas lestar znameňje andral o ňebos, hoj lenge te sikavel, hoj les čačes bičhaďa o Del.

Marek 8:15

O Ježiš lenge dovakerelas: „Den tumenge pozoris pro kvasos le Farizejengro the pro kvasos le Herodesoskro!“

Лукастар 11:39

O Raj leske phenďa: „Tumen, o Farizeja žužaren avral e kuči the o čaro, ale andre tumende hin pherdo hamišagos the nalačhipen.

Лукастар 16:14

Kada savoro šunenas the o Farizeja, so igen kamenas o love, a asanas lestar.

Лукастар 5:30

O Farizeja the lengre zakoňika dudrinenas a phenenas leskre učeňikenge: „Soske chan le colňikenca the le binošnenca?“

Лукастар 6:7

O zakoňika the o Farizeja užarenas, či sasťarela varekas pro šabat, hoj les te obviňinen.

Лукастар 7:30

Ale o Farizeja the o zakoňika na priile oda planos le Devleskro prekal peste, bo na dine pes te bolel le Janoske.

O Evaňjelium le Janoskro 11:47

Akor o bare rašaja the o Farizeja zvičinde e Bari Rada a phende: „So keraha? Bo kada manuš kerel but znameňja!

O Evaňjelium le Janoskro 11:57

Ale o bare rašaja the o Farizeja imar dine prikazis, hoj te pes vareko dodžanela, kaj hino o Ježiš, mušinel oda te phenel avri, hoj les te zalen.

O Evaňjelium le Janoskro 7:32

Ale sar šunde o Farizeja le nipen, hoj peske pal leste vakeren kajse veci, bičhade on the o bare rašaja peskre stražňiken, hoj les te zalen.

O Evaňjelium le Janoskro 7:48

Či hin vareko maškar amare vodci, abo maškar o Farizeja, ko andre leste pačanďiľa?

O Evaňjelium le Janoskro 8:6

Kada phende vašoda, hoj les te chuden pro lav, hoj pre leste paľis te vakeren. Ale o Ježiš banďiľa tele a pisinelas le angušteha pre phuv.

1. Korinťanenge 10:9

Aňi te na pokušinas le Kristus, avke sar varesave lendar pokušinenas a murdarde len o sapa.