Marek 10:1 - Le Devleskero Lav Andre Romaňi Čhib Slovensko 2021

¹ O Ježiš odarik ušťiľa a geľa andre Judsko the andre phuv pal o Jordan. A pale pes zgele paš leste igen but nipi a ov len sikavelas avke sar furt.

Marek 10:1 ပူးပေါင်းရင်းမြစ်များ

Kazaťeľis 12:9

Na ča hoj o Kazaťeľis sas goďaver, ale mek the sikavelas le manušen o prindžaripen. Skidelas a pisinelas andre but privakeribena; mištes pal oda gondoľinelas a sikľolas.

Jeremijaš 32:33

Visarde pes ke ma le dumeha, a na le mujeha. A kajte len furt sikavavas, on na šunenas a na denas peske mandar te phenel.

Matuš 26:55

Andre odi ora phenďa o Ježiš le nipenge: „Avľan pre ma le šabľenca the le pacenca, hoj man te zalen sar varesave živaňis? Sako džives bešavas maškar tumende andro chramos, sikavavas a na phandľan man.

Matuš 4:23

O Ježiš phirelas pašal caľi phuv Galileja a sikavelas ode andro sinagogi. Kazinelas o evaňjelium pal o kraľišagos a sasťarelas dojekh nasvaľiben the dojekh dukh, so sas le manušen.

Marek 1:21

Avke gele andro foros Kafarnaum a takoj pro šabat geľa andre sinagoga a sikavelas.

Marek 10:2

Androda ke leste avle o Farizeja a phučle lestar, či šaj omukel o rom peskra romňa, bo kamenas les te chudel avri.

Marek 12:35

Sar o Ježiš sikavelas andro chramos, phučľa: „Sar oda, hoj o zakoňika phenen, hoj o Kristus hin o čhavo le Davidoskro?

Marek 14:49

Džives so džives somas maškar tumende andro chramos a sikavavas, ale na zaiľan man. Ale oda, so hin pisimen, pes mušinel te ačhel.“

Marek 2:13

O Ježiš džalas pale paš o moros. Avenas pal leste igen but manuša a ov len sikavelas.

Marek 4:2

Sikavelas len but andro podobenstva a andre peskro sikaviben lenge vakerelas:

Marek 6:2

Sar sas o šabat, chudňa te sikavel andre sinagoga. Sas ode but džene a sar les šunde, čudaľinenas pes a phenenas peske: „Khatar les hin kada? Khatar les hin kajsi goďi? Sar šaj kerel kajse bare zazraki?

Marek 6:34

A sar avľa o Ježiš avri andral e loďka, dikhľa ode pherdo nipen a sas leske pharo vaš lenge, bo sas sar o bakrore bi o pasťjeris. A chudňa len te sikavel but veci.

Marek 6:6

Čudaľinďa pes, hoj o manuša na pačan. Avke o Ježiš geľa te sikavel andre aver gava.

O Evaňjelium le Janoskro 10:40

A pale geľa pal o Jordan, pre oda than, kaj o Jan angloda bolelas, a ačhiľa ode.

O Evaňjelium le Janoskro 11:7

Paľis phenďa le učeňikenge: „Aven džas pale andre Judsko.“

O Evaňjelium le Janoskro 18:20

O Ježiš leske odphenďa: „Me vakeravas le svetoske phundradones. Furt sikavavas andre sinagoga the andro chramos, kaj pes zdžan savore Židi, a ňič na vakeravas počoral.