Malachijaš 3:15 - Le Devleskero Lav Andre Romaňi Čhib Slovensko 2021

¹⁵ Akana phenas pro barikane, hoj hine požehňimen. Na ča oda, hoj sa lenge avel avri, ale mek pokušinen le Devles, a furt lenge savoro predžal.‘ “

Malachijaš 3:15 ပူးပေါင်းရင်းမြစ်များ

Ester 5:10

Ale o Haman pes zľikerďa a džalas khere. Sar doavľa khere, vičinďa peske le prijaťeľen the peskra romňa la Zereš.

O Job 1:22

Kajte pes kada savoro ačhiľa, o Job na kerďa binos a na phenďa pro Del ňič nalačho.

O Job 12:6

O stani le zbujňikengre hine andro smirom, ola, ko provokinen le Devles, dživen bi e dar – lengri zor hin o del, saves on lašaren.

O Job 21:30

hoj o nalačho na cerpinel andro bibachtalo džives, hoj andre oda džives, sar avel e choľi le Devleskri, hino zachraňimen?

O Job 22:23

Dikh, te aveha pale ko Nekzoraleder, ačhavela tut pale pro pindre. Le avri o nalačhipen andral tiro stanos,

Žalmi 10:3

O nalačho pes lašarel le nalačhe žadoscenca; o manuš, savo kamel o love, košel a tele dikhel le RAJES.

Žalmi 106:14

Pre pušťa lengri žadosca našťi dočaľiľa; ode pokušinenas le Devles.

Žalmi 141:4

Ma domuk, hoj mange o jilo te džal pal o nalačho, hoj te kerav o nalačhipen olenca, ko oda keren, aňi hoj lenca te chav pre lengre hoscini.

Žalmi 49:18

bo sar merela, ňič peha na lela; leskro barvaľipen leha na džala tele andro hrobos.

Žalmi 58:2

Vodcale, čačes vakeren o čačipen? Sudzinen le manušen jednakones?

Žalmi 73:12

Kajse hine kala nalačhe manuša – bi o starišagos peske skiden furt buter a buter barvaľipen.

Žalmi 73:3

Bo zavidzinavas le barikanenge, sar dikhavas, hoj le nalačhenge džal mištes avri.

Žalmi 78:18

Provokinenas le Devles, bo peske mangenas o chaben pal peskre žadosci.

Žalmi 78:41

Pale a pale pokušinenas le Devles, dukhavenas le Svetes le Izraeloskres.

Žalmi 78:56

Ale on pokušinenas a ačhavenas pes le Nekbareder Devleske; na ačhenas leskre sveďectvendar.

Žalmi 95:9

akor sar man tumare dada pokušinenas a skušinenas, kajte dikhle mire skutki.

Prislovja 12:12

O nalačho manuš igen džal pal oda, so hin le nalačhen, ale o koreňis le lačhengro anel uľipen.

Kazaťeľis 8:14

The kada, so hin pre phuv, našťi te achaľol: Hin lačhe manuša, so vaš o lačho chuden oda, so peske zaslužinen o nalačhe, a hin nalačhe manuša, so vaš o nalačho chuden oda, so peske zaslužinen o lačhe. Phenďom mange: „Aňi kada našťi te achaľol!“

Izajaš 2:22

Ma muken tumen pro manuš, kaskro dživipnaskro dichos hin ča andro nakh! Se ov tumenge našťi pomožinel!

Jeremijaš 7:10

Tumen keren kala veci, save me našťi avri ačhav, a paľis aven a ačhen angle ma andre miro Chramos a phenen: „Amen sam chraňimen!“

Daniel 4:30

Takoj pes ačhiľa oda lav, so sas phendo pal o Nebukadnecar a sas avritradlo le manušendar. Chalas čar sar o dobitkos a pre leskro ťelos čuľalas e ňeboskri rosa, medik les na sas o bala bare sar le orloskre pora the o naja sar le čirikleskre pazuri.

Daniel 6:16

Paloda ola murša gele ko kraľis a phende leske: „Džan, kraľina, hoj pal o zakonos le Medengro the le Peržanengro pes ňisavo prikazis, so diňa avri o kraľis, imar na del te čerinel!“

Malachijaš 2:17

Unavinen le RAJES tumare lavenca. Phučen: „Soha les unavinas?“ Oleha, hoj phenen: „Dojekh, ko kerel o nalačhipen, hino pre dzeka le RAJESKE. Hin les radišagos lendar,“ abo phenen: „Hin o Del čačes spravodľivo?“

Skutki 12:21

A sar avľa oda džives, urďa pes o kraľis andro kraľika gada, bešľa peske pro tronos a prevakerďa ke lende.

Skutki 5:9

Avke lake o Peter phenďa: „Soske tumen dovakerďan, hoj pokušinena le Rajeskre Duchos? Dikh, o pindre olengre, ko parunde tire romes, hine paš o vudar a ľidžana avri the tut.“

1. Korinťanenge 10:9

Aňi te na pokušinas le Kristus, avke sar varesave lendar pokušinenas a murdarde len o sapa.

Židenge 3:9

akor, sar man tumare dada furt pokušinenas, kajte saranda (40) berš dikhenas oda, so keravas.

1. Peter 5:5

Avke the tumen o terneder: Podden tumen le phurederenge a savore tumen podden jekh avrenge. A uren tumen andre pokora, bo o Del pro barikane džal, ale le pokornen del peskri milosť.