Malachijaš 2:5 - Le Devleskero Lav Andre Romaňi Čhib Slovensko 2021

⁵ „Miri zmluva lenca sas o dživipen the o smirom; diňom lenge la vašoda, hoj pes mandar te daran, a on pes mandar daranas a sas len pačiv angle miro nav.

Malachijaš 2:5 ပူးပေါင်းရင်းမြစ်များ

Žalmi 61:5

Joj, te bešľomas andre tiro stanos pro furt a te šaj man garuďomas andro ciňos tire kridlengro!

Prislovja 14:2

Kas hin e sveto dar anglo RAJ, dživel pačivalones, no kas hin previsarde droma, dikhel les tele.

Ezechiel 34:25

Phandava lenca e zmluva, savi lenge anela o smirom, a murdarava avri le dzive džviren andral e phuv, avke peske bešena pre pušťa a sovena andro veša andro smirom.

Ezechiel 37:26

Kerava lenca e zmluva, savi lenge anela o smirom; odi zmluva ela večno. Dava lenge te bešel andre phuv, rozmnožinava len a thovava miro chramos maškar lende pro furt.

4. Mojžišoskro 25:7

Sar oda dikhľa o Pinchas, le Eleazaroskro čhavo, saveske sas papus o Aron, ušťiľa lendar a iľa andro vast e kopija.

4. Mojžišoskro 25:8

Geľa andro stanos ole Izraelitaskro, savo anďa ola džuvľa, a sodujen jekhetane predemaďa la kopijaha, sar pašľonas. Avke sas zaačhado o nasvaľiben maškar o Izraeliti.

4. Mojžišoskro 3:45

„Vaš savore ešebna muršora le Izraeloskre de mange le Leviten a vaš lengro ešebno dobitkos de mange le Levitengro dobitkos. O Leviti hine mire. Me som o RAJ!

4. Mojžišoskro 8:15

Ešeb len obžužar a de sar hazdľi obeta, paľis šaj keren e služba paš o Svetostankos.