Malachijaš 2:16 - Le Devleskero Lav Andre Romaňi Čhib Slovensko 2021

¹⁶ „Našťi avri ačhav, sar pes vareko rozdžal la romňaha,“ phenel o RAJ, o Del le Izraeloskro, „bo oleha igen dukhavel peskra romňa,“ phenel o Nekzoraleder RAJ. Vašoda tumen chraňinen, hoj te na aven napačivale.

Malachijaš 2:16 ပူးပေါင်းရင်းမြစ်များ

Žalmi 73:6

Vašoda hordinen o baripen andre meň sar lancocis, uren pre peste o mariben sar ruchos.

Prislovja 28:13

Ko garuvel peskro binos, na džala anglal, ale ko viznavinel peskro binos a omukel les, chudela le Devleskro jileskeriben.

Prislovja 5:20

Čhavo miro, soske te des tiro kamiben avra džuvľake? Soske te obchudes avra džeňa?

Izajaš 28:20

O hadžos hino igen charno, našťi pes te rovňinel avri, o paplanos hino cikno, našťi pes leha te učharel andre.

Izajaš 50:1

Kada phenel o RAJ: „Kaj hin o rozvodno ľil tumaro dakro, saveha la premukľom? Abo či tumen me bikenďom varekaske, kaske kamavas love? Dikh, vaš tumare bini sanas bikende; vaš tumare nalačhe skutki diňom rozvod tumara daha.

Izajaš 59:6

Lengra pavučinatar na ela gada, na učharena pes andre oleha, so hekľinde. Lengre skutki, so keren, hine nalačhe a o maribena hin andre lengre vasta.

Лукастар 16:18

Sako, ko premukel peskra romňa a lel peske avra, kerel o lubipen a sako, ko peske lela kajsa romňa, sava aver rom premukľa, kerel o lubipen.“

1. Korinťanenge 7:10

Prekal o veradune manuša dav prikazaňje, so nane mandar, ale le Rajestar: E džuvľi pes te na rozdžal peskre romeha.