Лукастар 23:41 - Le Devleskero Lav Andre Romaňi Čhib Slovensko 2021

⁴¹ Amen sam marde čačipnaha vaš oda, so kerďam, ale ov na kerďa ňič nalačho!“

Біблія про закарпатцько романо чіб

⁴¹ Амен наказіме сам пало чачібе і хундям ода, пре состе засовґаліндям. А када Мануш на кєрдя нісаво подліпе.

Лукастар 23:41 ပူးပေါင်းရင်းမြစ်များ

2. Kronicko 33:12

O Menaše sas andro baro pharipen a chudňa te rodel le RAJES, peskre dadengre Devles, a igen pes pokorinďa angle leste.

Ezdraš 9:13

Pal kada savoro, so avľa pre amende vaš amare bini the vaš amare nalačhe skutki, tu Devla amaro, amen potrestinďal frimeder, sar peske zaslužinďam vaš amaro nalačhipen. A mukľal amendar kale sikra manušen te dživel.

Nehemiaš 9:3

Ačhenas pre peskre thana a trin ori genenas andral o zakonos le RAJESKRO, peskre Devleskro, a aver trin ori phenenas avri o bini a lašarenas le RAJES peskre Devles.

Daniel 9:4

Modľinavas man ko RAJ, ke miro Del, a phenavas avri mire bini: „Ó, Rajeja, baro a zoralo Devla, so doľikeres pačivales e kamibnaskri zmluva olenca, ko tut kamen a doľikeren tire prikazaňja:

Matuš 27:19

Sar bešelas o Pilat pro sudno stolkos, bičhaďa ke leste leskri romňi, hoj leske te phenen: „Te na chal tut ňič ole čačipnaskre manušeha, bo adadžives andro suno but cerpinďom vaš leske!“

Matuš 27:24

Sar dikhľa o Pilat, hoj ňič našťi kerel a o nipi keren mek bareder vika, iľa o paňi, thoďa (omorďa) o vasta anglo nipi a phenďa: „Me som žužo kale manušeskre ratestar! Pre tumende oda ačhel.“

Matuš 27:4

a phenďa: „Kerďom binos, bo zradzinďom o ňevinno rat.“ Ale on odphende: „So amen hin andre oda? Oda hin tiri veca!“

Matuš 27:54

Sar dikhľa o veľiťeľis the ola, ko leha stražinenas le Ježiš, hoj e phuv razisaľolas, a the oda savoro, so pes ačhelas, igen pes daranas a phenenas: „Ov sas čačes o Čhavo le Devleskro!“

Лукастар 23:40

Ale oka dujto leske dovakerďa zorales: „Na daras tut le Devlestar? Se the tu sal odsudzimen avke sar ov!

Лукастар 23:42

A phenďa: „Ježiš, leper tuke pre ma, sar aveha andre tiro kraľišagos.“

1. Tesaloničanenge 2:10

Tumen san švedki a the o Del, sar pobožňe, spravodľivones the žužes pes ľikerahas maškar tumende, so pačan.

Jakob 4:7

Vašoda podden tumen le Devleske. Ačhaven tumen le bengeske a denašela tumendar.

1. Peter 1:19

ale le vzacne Kristoskre rateha. Ov sar o bakroro bi e chiba the bi o binos

1. Peter 2:23

Sar les košenas, ov na košelas pale, a sar cerpinelas, ov pes na vihražinelas, ale savoreha pes mukelas pre oda, ko čačipnaha sudzinel.