Лукастар 22:63 - Le Devleskero Lav Andre Romaňi Čhib Slovensko 2021

⁶³ Ola murša, so stražinenas le Ježiš, lestar asanas a marenas les.

Біблія про закарпатцько романо чіб

⁶³ Мануша, саве лікєренас ле Ісус, бандяркєренаспес пре Лесте і маренас Лес.

Лукастар 22:63 ပူးပေါင်းရင်းမြစ်များ

Žalmi 22:13

Rozthode pes pašal ma but biki, o biki le Bašanoskre pes zgele pašal ma.

Žalmi 35:25

Te na peske gondoľinen: „Avke leske kampel! Kada kamahas!“ Te na phenen: „Chaľam les tele!“

Izajaš 49:7

Kada hin, so phenel o RAJ, o Vikupiťeľis, o Sveto le Izraeloskro, oleske, ko sas teledikhlo a odčhido le narodendar, oleske, ko služinel le vladarenge: „O kraľa tut dikhena a ušťena upre, o raja dikhena a banďona tele anglo RAJ, savo hino verno, anglo Sveto le Izraeloskro, savo peske tut avri kidňa.“

Izajaš 52:14

But džene predaranďile, sar les dikhle; leskro muj sas avke zňičimen, hoj aňi na dičholas avri sar manuš.

Izajaš 53:3

Sas teledikhlo a odčhido le manušendar, murš, savo peske pregeľa la dukhaha the le cerpišagoha, sar oda, anglal kaste peske o manuša garuven o muja, sas teledikhlo a na važinahas peske les.

Micheaš 5:1

„Ale tu, Betlehem, Efrata, kajte sal nekcikneder maškar o fori andre Judsko, andral tu mange avela oda, ko vladňinela upral o Izrael. Ov sas imar čirlastar, imar le večne dživesendar.“

Лукастар 22:62

O Peter geľa avri a chudňa igen te rovel.

O Evaňjelium le Janoskro 18:19

O nekbareder rašaj phučelas le Ježišostar pal o učeňika the pal leskro sikaviben.

O Evaňjelium le Janoskro 18:22

Sar oda phenďa, jekh ole slugaďendar, so ode ačhelas, demaďa le Ježiš pal o muj a phenďa: „Kavke odphenes le nekbareder rašaske?“

Židenge 12:2

Aven dikhas pro Ježiš, pre oda, ko chudňa amaro pačaben a ko les the dokerela. Ov precerpinďa o meriben pro kerestos a pregeľa bara ladžaha, bo džanelas, hoj pre leste užarel baro radišagos, a paľis peske bešľa pal e čači sera le Devleskre tronoskri.

1. Peter 2:23

Sar les košenas, ov na košelas pale, a sar cerpinelas, ov pes na vihražinelas, ale savoreha pes mukelas pre oda, ko čačipnaha sudzinel.