Лукастар 19:47 - Le Devleskero Lav Andre Romaňi Čhib Slovensko 2021

⁴⁷ Paľis sako džives sikavelas o Ježiš andro chramos. Ale o bare rašaja, o zakoňika the o anglune murša rodenas, sar les te murdarel.

Біблія про закарпатцько романо чіб

⁴⁷ Ісус сако дівес сікавелас андро храмос. А єкг баредер рашая, танітова Законоскєре і пгуредера нийпоскєре роденас овра, гой Лес те мурдарен.

Лукастар 19:47 ပူးပေါင်းရင်းမြစ်များ

Matuš 21:23

Sar avľa andro chramos a sikavelas, avle ke leste o bare rašaja the o phuredera le nipengre a phende leske: „Sava zoraha keres kala veci? Ko tut diňa odi autorita?“

Matuš 26:55

Andre odi ora phenďa o Ježiš le nipenge: „Avľan pre ma le šabľenca the le pacenca, hoj man te zalen sar varesave živaňis? Sako džives bešavas maškar tumende andro chramos, sikavavas a na phandľan man.

Marek 11:18

Šunde oda o zakoňika the o bare rašaja a chudle te gondoľinel, sar les šaj murdarena. Daranas lestar, bo le nipenge sas pre dzeka, so o Ježiš sikavelas.

Marek 12:12

Kamenas les te phandel andre, bo achaľile, hoj pal lende phenďa kada podobenstvo. Ale daranas pes le nipendar, vašoda les mukle a gele het.

Marek 14:1

Sas mek duj džives angle Patraďi the anglo inepos le Marengro bi o Kvasos. O bare rašaja the o zakoňika rodenas sar le Ježiš počoral te chudel a te murdarel.

Marek 14:49

Džives so džives somas maškar tumende andro chramos a sikavavas, ale na zaiľan man. Ale oda, so hin pisimen, pes mušinel te ačhel.“

Лукастар 19:48

Ale na džanenas so te kerel, bo savore nipi šunenas igen mištes dojekh leskro lav.

Лукастар 20:19

O bare rašaja the o zakoňika les kamenas takoj te phandel andre, ale daranas pes le manušendar. Bo prindžarde, hoj kada podobenstvo phenďa pre lende.

O Evaňjelium le Janoskro 10:39

Akor les pale kamenas te chudel, no ov geľa avri andral lengre vasta.

O Evaňjelium le Janoskro 18:20

O Ježiš leske odphenďa: „Me vakeravas le svetoske phundradones. Furt sikavavas andre sinagoga the andro chramos, kaj pes zdžan savore Židi, a ňič na vakeravas počoral.

O Evaňjelium le Janoskro 7:19

Či tumenge o Mojžiš na diňa o Zakonos? A ňiko tumendar na doľikerel o Zakonos. Soske man kamen te murdarel?“

O Evaňjelium le Janoskro 7:44

Varesave džene lendar les kamle te zalel, ale ňiko pre leste na thoďa o vasta.