Roviben le Jeremijašiskro 3:56 - Le Devleskero Lav Andre Romaňi Čhib Slovensko 2021

⁵⁶ Tu šunďal miro mangipen: „Ma phand tuke o kana andre, sar ke tu vičinav vaš e pomoca!“

Roviben le Jeremijašiskro 3:56 ပူးပေါင်းရင်းမြစ်များ

2. Kronicko 33:13

Sar pes modľinelas ko RAJ, ov šunďa avri leskro mangipen a anďa les pale andro Jeruzalem, andre leskro kraľišagos. Avke o Menaše sprindžarďa, hoj ča o RAJ hino o čačo Del.

2. Kronicko 33:19

Andro Zvitkos le Chozajoskro hin pisimen pal leskri modľitba a sar o Del leske odphenďa. Hin andre pisimen the pal leskre bini the napačivaľiben a sar ačhaďa o modlengre thana pro lašariben, o slupi la Ašerakre the o modli angloda, sar pes pokorinďa.

O Job 34:28

Vašoda doavľa o roviben le čore manušengro anglo Del a šunďa avri lengro mangipen.

Žalmi 3:4

Ale tu, RAJEJA, sal pašal ma sar o šťitos. Sal miri slava; hazdes upre miro šero.

Žalmi 34:6

Ola, ko pre leste dikhena, švicinena, lengre muja pes šoha na ladžana.

Žalmi 5:2

RAJEJA, šun avri mire lava, dikh, sar vzdichinav!

Žalmi 5:3

Šun avri miro zoralo mangipen, Kraľina miro a Devla miro, bo ke tute man modľinav!

Žalmi 55:1

Oleske, ko ľidžal o bašaviben pro strunengro nastrojis. O maskil le Davidoskro.

Žalmi 55:18

Rači, dživese the pro dilos rovav andre miro pharipen a ov šunel miro hangos.

Žalmi 55:2

Šun miro mangipen, Devla, ma garuv tut mire rovibnaske!

Žalmi 66:19

ale o Del man šunďa avri, prithoďa o kan paš miro mangipen.

Izajaš 38:5

„Dža a phen le Chizkijoske: ‚Kada phenel o RAJ, o Del le Davidoskro, tire dadeskro: Šunďom avri tiri modľitba a dikhľom tire apsa. Dikh, dothovava tuke dešupandž (15) berš ke tiro dživipen.

Daniel 9:17

Ale akana, Devla amaro, šun avri e modľitba the o mangipen tire služobňikoskro. Ker oda prekal tute korkoreste, Rajeja, mi švicinel tiro muj pre tiro zňičimen Chramos.

Rimanenge 8:26

Avke the o Duchos pomožinel amare slabišagenge. Se amen na džanas, vaš soske pes amenge kampel te modľinel. Ale korkoro o Duchos pes privakerel vaš amenge avke, hoj pes aňi le lavenca na del te phenel avri.