Roviben le Jeremijašiskro 3:37 - Le Devleskero Lav Andre Romaňi Čhib Slovensko 2021

³⁷ Ko šaj phenel vareso a ačhela pes, te oda o RAJ na prikazinďahas?

Roviben le Jeremijašiskro 3:37 ပူးပေါင်းရင်းမြစ်များ

2. Samueloskro 16:10

Ale o David phenďa: „Čhavale la Cerujakre, so tumen hin andre oda? Bo te o RAJ leske phenďa, hoj man te košel, akor ko leske šaj phenel: ‚Soske ada keres?‘ “

1. Kraľengro 22:34

Androda varesavo slugaďis ča avke ľivinďa andral o lukos a trafinďa le Achab maškar o pancjeris. Avke phenďa o Achab le manušeske, savo ľidžalas leskro verdan: „Visar tut a ľidža man het andral o mariben, bo som zraňimen.“

2. Kraľengro 6:33

Mek lenca vakerelas, sar ke leste doavľa o kraľis a phenďa: „Kadi pohroma avľa le RAJESTAR! Soske mek užarava pro RAJ, hoj amenge te pomožinel?“

O Job 10:13

Ale kada garuvehas andro jilo; džanav, hoj kada tuke sas pre goďi:

O Job 2:10

Ale o Job lake phenďa: „Vakeres sar varesavi diliňi džuvľi. So, ča o lačho prilaha le Devlestar a o nalačho na?“ Sar pes kada savoro ačhiľa, o Job na kerďa binos peskre vuštenca.

2. Mojžišoskro 10:10

O Faraonos lenge odphenďa: „Lav vera pro RAJ, hoj tumen na mukava te džal het tumare čhavenca. Bo tumen gondoľinen te kerel vareso nalačho.

Prislovja 16:9

O manuš peske andro jilo gondoľinel avri o drom, ale o Del ľidžal leskre kroki.

Prislovja 19:21

But veci plaňinel o manuš andro jilo, ale e voľa le RAJESKRI pes ačhela.

Prislovja 21:30

Ňisavo goďaveripen aňi achaľuvipen aňi rada tuke na pomožinela, te o RAJ pre tu džala.

Izajaš 46:10

Me ešebnovarestar dav te džanel oda, so ela; čirlastar oda, so pes mekča ačhela. A me phenav: ‚Miro planos pes ačhela, dokerava savoro, so kamav te kerel.‘

Jeremijaš 23:32

Me džav pre ola proroka, so prorokinen o falošna sune,“ phenel o RAJ. „On ľidžan avrether mire manušen peskre klamišagenca, sar vakeren pal peskre sune a lašaren pes lenca. Me len na bičhaďom aňi len na ačhaďom. Kale manušenge na anena ňič lačho,“ phenel o RAJ.

Rimanenge 9:15

Bo le Mojžišoske phenel kada: „Ela mange pharo vaš oda, vaš kaste me kamav, a avava jileskro ke oda, ke kaste me kamav!“

Efežanenge 1:11

Andre leste ačhiľam the o ďeďiča, avke sar oda o Del imar anglal kamľa. Bo ov kerel savoro avke, sar oda ov kamel,