Roviben le Jeremijašiskro 3:30 - Le Devleskero Lav Andre Romaňi Čhib Slovensko 2021

³⁰ Mi ľikerel e čham oleske, ko les marel, a mi prilel savoro dopheňiben.

Roviben le Jeremijašiskro 3:30 ပူးပေါင်းရင်းမြစ်များ

O Job 16:10

O manuša pre ma bares phundrade peskre muja, asabnaha man marenas pal o čhama sar varekas, ko lenge džungľol, a zgele pes jekhetane pre mande.

O Job 30:10

Odcirden pes mandar, bo džungľuvav lenge; na ladžan pes mange te čhungarel andro muj.

Žalmi 123:3

Av jileskro ke amende, RAJEJA, av jileskro ke amende, bo imar na birinas olestar, so amen ajci tele dikhen.

Žalmi 69:20

Tu džanes, sar mange dophenen, sar mange keren ladž a asan mandar; tu prindžares savoren, ko pre ma džan.

Žalmi 69:9

Mire phrala man ľikeren sar cudzones, prekal o čhave mira dakre som cudzincos.

Izajaš 50:6

Ľikeravas o dumo olenge, ko man marenas, a mire čhama olenge, ko mange avri cirdenas e brada; na garuvavas o muj, sar mandar asanas a čhungarenas pre ma.

Micheaš 5:1

„Ale tu, Betlehem, Efrata, kajte sal nekcikneder maškar o fori andre Judsko, andral tu mange avela oda, ko vladňinela upral o Izrael. Ov sas imar čirlastar, imar le večne dživesendar.“

Matuš 26:67

Akor leske chudle te čhungarel andro muj a marenas les pal o šero. Aver les marenas le pacenca

Matuš 5:39

Ale me tumenge phenav: Ma de pale oleske, ko tuke kerel namištes. A oleske, ko tut demela pal jekh čham, visar the aver.

Лукастар 6:29

Oleske, ko tut demel pal jekh čham, sikav the dujto a oleske, ko tutar lel o plašťos, de the o gada.

2. Korinťanenge 11:20

Se tumen zľidžan te tumendar vareko kerel otroken, te tumen vareko viužinel avri, te tumenca vareko thovel avri, te pes vareko ľidžal upre pre tumende a mek the oda, sar tumen vareko pal o muj demel.