Roviben le Jeremijašiskro 2:16 - Le Devleskero Lav Andre Romaňi Čhib Slovensko 2021

¹⁶ Savore tire ňeprijaťeľa pre tu phundraven o muja, asan tutar, den pre tu avri o danda a phenen: „Chaľam len tele! Kada hin oda džives, pre savo but užarahas. Dodžiďiľam pes oda!“

Roviben le Jeremijašiskro 2:16 ပူးပေါင်းရင်းမြစ်များ

Žalmi 109:2

bo o manuša, so hine nalačhe a falošna, phundrade pre ma peskro muj; vakerenas pre ma le klamišagoskre čhibenca.

Žalmi 112:10

O nalačho manuš oda dikhela a choľisaľola, randela le dandenca a ela zňičimen; oda, so kamen o nalačhe te kerel, našľola.

Žalmi 124:3

chalehas amen tele džidonen, sar lengri choľi pre amende rozlabiľa;

Žalmi 22:13

Rozthode pes pašal ma but biki, o biki le Bašanoskre pes zgele pašal ma.

Žalmi 35:16

Asanas peske mandar avke sar o bijedevleskre a denas pre ma avri o danda.

Žalmi 35:21

Bares phundraven peskro muj pre mande a phenen: „Avke tuke kampel! Pre amare jakha dikhľam, so kerďal!“

Žalmi 35:25

Te na peske gondoľinen: „Avke leske kampel! Kada kamahas!“ Te na phenen: „Chaľam les tele!“

Žalmi 37:12

O nalačho gondoľinel te kerel namištes le spravodľivoneske; randel pre leste le dandenca.

Žalmi 41:8

Savore, ko man našťi avri ačhen, peske pal ma šepkinen andro kana a gondoľinen peske pre ma avri o nalačhipen.

Žalmi 56:2

Devla, av ke ma jileskro, bo o ňeprijaťeľa pre ma džan a trapinen man džives so džives.

Žalmi 57:3

Ko Del vičinav, ko Nekbareder, ko Del, savo man zaačhel.

Izajaš 49:19

Salas zňičimen a čhido tele a tiri phuv sas rozburimen, ale akana bešena andre tiri phuv ajci manuša, hoj lenge ela cesnones. A ola, so ňičinenas tiri phuv, tutar ena igen dur.

Jeremijaš 26:6

akor kerava kale Chramoha oda, so kerďom andro Šilo, a kada foros ela savore narodenge pre phuv sar o košiben.‘ “

Jeremijaš 29:18

Džava pre lende la šabľaha, la bokhaha the le meribnaskre nasvaľibnaha. Kerava, hoj savore kraľišagi pre phuv te predaran olestar, so dikhena. Všadzik, kaj len roztradava, pes o manuša čudaľinena a predarana olestar, so pes lenge ačhiľa. O manuša peske lendar kerena pheras a lena lengro nav sar košiben,

Jeremijaš 50:17

„O Izrael hino sar o splašimen stados, saves roztradle o ľevi. Ešeb les chalas o asiriko kraľis a paľis leske o Nebukadnecar o babiloňiko kraľis rozchaľa o kokala.“

Jeremijaš 50:7

Sako, ko len arakhelas, len chalas tele a lengre ňeprijaťeľa vakerenas: ‚Na ela amen ňisavi vina, bo on kerenas o bini anglal o RAJ, savo pes pal lende verňe starinelas a pre savo pes lengre dada savoreha mukenas!‘ “

Jeremijaš 51:34

„Chaľa amen a zňičinďa o babiloňiko kraľis o Nebukadnecar. Čučarďa amen sar taňiris; preľiginďa amen sar obluda. Pherarďa peske o per amare barvaľipnaha a paľis amen čhandľa avri.

Roviben le Jeremijašiskro 1:21

O manuša man šunde te stukinel, ale ňiko man na poťešinďa. Savore mire ňeprijaťeľa šunde pal miro pharipen a radisaľon, hoj oda kerďal. Mi avel oda džives, pal savo phenďal, hoj te cerpinen avke sar me.

Roviben le Jeremijašiskro 3:46

Savore amare ňeprijaťeľa pre amende phundravenas o muja.

Ezechiel 23:32

Kada phenel o RAJ, o Adonaj: Pijeha andral tira pheňakri kuči, so hiňi bari, buchľi a but andre rešľol, a vašoda aveha pre bari ladž the pro asaben.

Ezechiel 25:15

„Kada phenel o RAJ, o Adonaj: ‚Vašoda, hoj pes o Filišťinci ajsa bara choľaha andro jilo pomsťinde mire manušenge a furt sas lengre ňeprijaťeľa, so len kamenas te zňičinel,

Ezechiel 25:3

Phen lenge: ‚Šunen o lav le Nekbareder RAJESKRO! Kada phenel o RAJ: Vašoda, hoj asanas mire Chramostar, sar sas meľardo andre, the le Izraeloskra phuvatar, sar sas zňičimen, a the le judske manušendar, sar sas zaile andro zajaťje,

Ezechiel 25:6

Bo kada phenel o RAJ, o Adonaj: Vašoda, hoj tapčinenas le vastenca, chučkerenas le pindrenca, asanas a radisaľonas andral calo jilo la phuvake Izrael,

Ezechiel 36:3

vašoda prorokin a phen: ‚Kada phenel o RAJ, o Adonaj: O armadi le avre narodengre tumen rozpučinenas pal savore seri a mukle tumari phuv zamukľi. Zalenas tumen, vakerenas pal tumende namištes a kerenas pre tumende pľetki.

Ezechiel 5:15

Aveha teledikhlo maškar o narodi, so hine pašal tu, predarana tutar, asana tutar a čudaľinena pes, sar tut sudzinava andre miri choľi, andre miri bari choľi, a sar tut zorales marava. Bo me, o RAJ, oda phenďom.

Hozeaš 8:8

O Izrael hino zňičimen; akana hino maškar o narodi sar e phagerďi piri, savi ňiko na kamel.

Micheaš 4:11

Ale akana pes pre tute skiden but narodi a phenen: „Mi el o Jeruzalem meľardo andre! Amare jakha mi dikhen pro Sion, hoj hino telečhido!“

Skutki 7:54

Sar kada šunde, avľa lenge bari choľi andro jile a randenas pre leste le dandenca.