Roviben le Jeremijašiskro 2:12 - Le Devleskero Lav Andre Romaňi Čhib Slovensko 2021

¹² O čhavore phenen le dajenge: „Kaj hin o chaben the o pijiben?“ akor sar peren tele pro uľici andro foros, sar te ulehas zraňimen, a sar polokes muken avri e duša peskre dajenge pro vasta.

Roviben le Jeremijašiskro 2:12 ပူးပေါင်းရင်းမြစ်များ

O Job 30:16

Imar mandar e duša čuľal avri; o pharipnaskre dživesa man zaile.

Žalmi 42:4

O apsa mange hin sar o maro rat-džives, sar mandar sako džives phučen: „Kaj hino tiro Del?“

Žalmi 62:8

O Del man spasinel a del man pačiv. O Del hin miri zoraľi skala a miro than, kaj man garuvav.

Izajaš 51:20

Tire čhave pašľonas pre savore uľici strapimen, avke sar o srnki zachudle andre sita. O RAJ pre lende čhiďa avri peskri choľi, o Del len pokarhinďa.

Izajaš 53:12

Vašoda les dava o pačivalo than, o than maškar o bare the zorale, bo diňa peskro dživipen pro meriben a rachinenas les le živaňenca, kajte ov ľidžalas o bini but dženengre, a privakerelas pes vaš o binošna manuša.

Jeremijaš 5:17

Chala tumenge o uľipen the o maro, chala tumenge le čhaven the le čhajen, chala tumenge le bakren the le dobitkos, chala tumenge o hroznos the o figi. La šabľaha domarela tumare ohradzimen fori, pre save tumen muken.“

Roviben le Jeremijašiskro 1:11

Savore lakre manuša roven, roden o maro, savore vzacna veci den vaš o chaben, hoj peske te zachraňinen o dživipen. „Dikh, RAJEJA, všimňin tuke, hoj som teledikhľi.“

Roviben le Jeremijašiskro 4:4

Le čhavoreske, so pijel o thudoro, priľepisaľiľa e čhib andro muj le smedostar. O čhave mangenas maro, ale ňiko len na delas.

Ezechiel 30:24

Me zoraľarava o vasta le babiloňike kraľiske a thovava leske andro vasta miri šabľa, ale phagava o vasta le faraonoske a ov anglal leste rovela dukhatar sar o murš, so hino dukhado pro meriben.