Kazaťeľis 9:5 - Le Devleskero Lav Andre Romaňi Čhib Slovensko 2021

⁵ Bo o džide džanen, hoj merena, ale o mule na džanen ňič. Nane imar buter počiňiben prekal lende, bo pes pre lende bisterďa.

Kazaťeľis 9:5 ပူးပေါင်းရင်းမြစ်များ

2. Samueloskro 14:14

Bo jekhvar mušinas savore te merel, sam sar o paňi, so hino avričhordo pre phuv a so imar pes na del te skidel upre. Ale o Del na kamel te lel ňikaske o dživipen, ale kerel savoro, hoj te anel pale oles, ko hino lestar dur.

O Job 14:21

Te ela leskre čhaven pačiv, na dodžanela pes oda; te ena teledikhle, na džanela ňič.

O Job 30:23

Džanav, hoj man leha andro meriben, pre oda than, kaj pes zdžana savore džide.

Žalmi 109:15

Lengre bini mi en furt anglo jakha le RAJESKRE, mi mažinel avri lengro leperiben pal e phuv.

Žalmi 6:5

Av pale, RAJEJA, zachraňin miro dživipen! Le man avri tire bare kamibnaha.

Žalmi 88:13

Džanel pes andro kaľipen pal tire zazraki? Džanel pes pal tiro spravodľišagos andre phuv, kaj hine o manuša, pre save pes bisterďa?

Kazaťeľis 1:11

Ňiko peske na leperel pre ola manuša, so dživenas. Aňi pre ola manuša, save mek avena, peske na leperena ola džene, ko ena pal lende.

Kazaťeľis 2:16

Bo aňi pro goďaver aňi pro nagoďaver pes na leperel furt, a andre ola dživesa, so avena, pes pre savoreste bisterela. Avke sar merel o nagoďaver, avke merel the o goďaver.

Kazaťeľis 7:2

Feder hin te džal andro kher, kaj pes vartinel, sar andre oda kher, kaj pes oslavinel. Bo ajso ela o koňec dojekhe manušeskro, o džido peske oda mi lel andro jilo.

Kazaťeľis 8:10

Mek dikhľom le nalačhe manušen parunde a le dromeha pal o cintiris len o manuša lašarenas takoj andre oda foros, kaj kerde o nalačhipen. Aňi kada našťi te achaľol.

Kazaťeľis 9:10

Savoro, so šaj keres tire vasteha, ker caľa tira zoraha, bo andro Šeol, kaj džas, nane ňisavi buči aňi gondoľišagos aňi prindžaripen aňi goďaveripen.

Kazaťeľis 9:4

No, medik o manuš dživel, hin les naďej, bo le džide rikoneske hin feder sar le mule ľevoske.

Izajaš 26:14

On imar mule, imar na dživen; lengre duchi imar na ušťena. Marďal len a murdarďal avri, khosľal tele savoro leperiben pal lende.

Izajaš 63:16

Se tu sal amaro dad; o Abraham pal amende na džanel, a o Izrael amen na prindžarel, ale tu, RAJEJA, sal amaro Dad, „amaro Vikupiťeľis“ hin čirlastar tiro nav.

Лукастар 20:32

Pro koňec savorendar muľa the odi romňi.

Židenge 9:27

Avke sar hin dino le manušenge jekhvar te merel a paľis ela o sudos,