Kazaťeľis 9:16 - Le Devleskero Lav Andre Romaňi Čhib Slovensko 2021

¹⁶ Avke me phenďom: Feder hin o goďaveripen sar e zor, ale o goďaveripen le čoreskro pes tele dikhel a leskre lava ňiko na šunel avri.

Kazaťeľis 9:16 ပူးပေါင်းရင်းမြစ်များ

Prislovja 10:15

O barvaľipen chraňinel le barvalen sar o muri le foros, ale le čoren zňičinela o čoripen.

Prislovja 21:22

O goďaver džala andro foros le zorale muršengro a čhivela tele o muri, pre save pes zmukenas.

Prislovja 24:5

Feder hin te el goďaver, sar te el zoralo, o avrisikado manuš hino bareder sar o zoralo murš,

Prislovja 8:14

Me dav e rada the e lačhi goďi, me som o achaľuvipen a mande hin e zor.

Kazaťeľis 10:10

Te varekaske tupisaľol o trast a na ostrarela les, mušinel te del andre oda buter zor, ale feder hin te kerel goďaha.

Kazaťeľis 7:12

O goďaveripen tut učharela andre avke sar o barvaľipen; e chasna le prindžaripnastar hin kadi: O goďaveripen chraňinel o dživipen olenge, kas oda hin.

Kazaťeľis 7:19

O goďaveripen del buter zor le goďaveres sar o deš vodci andro foros.

Kazaťeľis 9:18

O goďaveripen hin zoraleder sar o maribnaskre zbraňe, ale jekh binošno manuš šaj musarel but lačhipen.