Kazaťeľis 9:15 - Le Devleskero Lav Andre Romaňi Čhib Slovensko 2021

¹⁵ A andre oda foros sas jekh čoro goďaver murš, so peskra goďaha zachraňinďa o foros. Ale ňiko peske pre oda čoro manuš aňi na leperďa.

Kazaťeľis 9:15 ပူးပေါင်းရင်းမြစ်များ

1. Mojžišoskro 40:23

No oda hlavno sluhas peske pro Jozef na leperďa. Bisterďa pre leste.

2. Samueloskro 20:22

Paľis odi džuvľi prevakerďa peskra goďaha ke savore manuša andre oda foros. Avke on le Šebasoske odčhinde o šero a čhide prekal o muros le Joaboske. Akor o Joab zatrubinďa pro rohos a savore odgele pašal o foros, sako andre peskro stanos. A o Joab pes visarďa pale ko kraľis andro Jeruzalem.

Prislovja 21:22

O goďaver džala andro foros le zorale muršengro a čhivela tele o muri, pre save pes zmukenas.

Kazaťeľis 2:16

Bo aňi pro goďaver aňi pro nagoďaver pes na leperel furt, a andre ola dživesa, so avena, pes pre savoreste bisterela. Avke sar merel o nagoďaver, avke merel the o goďaver.

Kazaťeľis 4:13

Feder hin o čoro čhavo, ale goďaver, sar o phuro dilino kraľis, savo peske na del ňič te phenel.

Kazaťeľis 7:19

O goďaveripen del buter zor le goďaveres sar o deš vodci andro foros.

Kazaťeľis 8:10

Mek dikhľom le nalačhe manušen parunde a le dromeha pal o cintiris len o manuša lašarenas takoj andre oda foros, kaj kerde o nalačhipen. Aňi kada našťi te achaľol.