Kazaťeľis 8:9 - Le Devleskero Lav Andre Romaňi Čhib Slovensko 2021

⁹ Sar gondoľinavas pal savoreste, so pes kerel pre phuv, dikhľom kada savoro: Jekh manuš vladňinel upral aver a oleha dukhavel pes korkores.

Kazaťeľis 8:9 ပူးပေါင်းရင်းမြစ်များ

2. Kraľengro 25:7

Leskre čhaven murdarde angle leskre jakha. Paľis leske diňa te lel avri o jakha, diňa les te phandel andro lanci a iľa les andro Babilon.

2. Mojžišoskro 14:28

O paňi pes visarďa pale a zaučharďa la armada, le muršen pro graja the o verdana, save džanas pal o Izraeliti. Ňiko lendar na ačhiľa džido.

Kazaťeľis 1:14

Dikhľom savore skutki, so pes kerel pre phuv, a dikh, ňič nane pre ňisoste lačho, sar te ča denašľomas pal e balvaj.

Kazaťeľis 3:10

Dikhľom, savi phari buči diňa o Del le manušen te kerel.

Kazaťeľis 3:16

A dikhľom mek vareso aver kade pre phuv: Pro sudos hin o klamišagos a ode, kaj majinel te el o čačipen, hin o nalačhipen.

Kazaťeľis 4:1

Visarďom man avrether a dikhľom, sar pre phuv o manuša trapinen avren: Dikh, o apsa olengre, ko hine trapimen – a nane prekal lende ťešiťeľis. Ňiko lenge našťi pomožinelas, bo ola, ko len trapinenas, sas zoraleder.

Kazaťeľis 5:13

Ačhiľa pes vareso nalačho a našaďa savoro barvaľipen a na sas les ňič, so mukľahas peskre čhavenge.

Kazaťeľis 5:7

Sar dikheha, hoj le čores trapinen a hoj o pravos the o spravodľišagos pes na doľikerel, ma čudaľin tut, bo pal o uradňikos ačhel vareko bareder a pal lende ačhen meksa bareder.

Kazaťeľis 5:8

A the o kraľis ispidel pro manuša, hoj les te den olestar, so skidle upre pal o maľi.

Kazaťeľis 7:25

Avke visarďom miri goďi pre oda, hoj te achaľuvav, te rodav a te arakhav avri o goďaveripen a sar džan o veci; Kamavas te avel pre oda, soske keren o manuša o nalačhipen, o nagoďaveripen the o diliňipen.

Kazaťeľis 7:7

Le goďaverestar ačhel nagoďaver, sar pre leste ispiden, a o prepočiňiben musarel o jilo.

5. Mojžišoskro 2:30

Ale o chešboňiko kraľis Sichon amenge na kamľa te domukel te predžal prekal peskri phuv. Bo o RAJ, amaro Del, leske zoraľarďa o jilo, hoj tumenge les te del andro vasta, avke sar oda hin the adadžives.