Kazaťeľis 7:5 - Le Devleskero Lav Andre Romaňi Čhib Slovensko 2021

⁵ Feder hin te šunel o dovakeriben le goďaverestar, sar te šunel o lašariben le dilinendar.

Kazaťeľis 7:5 ပူးပေါင်းရင်းမြစ်များ

Žalmi 141:5

Te man demela o čačipnaskro manuš – oda hin o kamiben; te man pokarhinela – oda hin sar olejos pro šero; miro šero oda prilela. Ale me man furt modľinava, hoj o nalačhe te aven marde vaš oda, so keren.

Žalmi 69:12

sar pre mande urďom o gada le gonestar, o manuša mandar asanas.

Prislovja 13:13

Ko na prilel e lačhi rada, zňičinela pes korkores, ale oleske, ko ľikerel o prikazaňje, ela počimen.

Prislovja 13:18

Oda, ko na prilel o sikaviben, ela čoro the andre ladž, no oda, ko prilel o dovakeriben, chudela e pačiv.

Prislovja 17:10

Le goďavereske anel buter chasna jekh dovakeriben, sar le dilineske šel rani la pacaha.

Prislovja 25:12

Oleske, ko šunel, hin o dovakeriben le goďavereskro sar e somnakuňi čeň the o somnakuno lancocis.

Prislovja 27:6

O dovakeribena tire prijaťelistar, savo tut kamel, hine feder sar o but čumibena olestar, ko tut našťi avri ačhel.

Prislovja 6:23

Kala prikazaňja hine sar e lampa, o sikaviben sar o švetlos, o dovakeribena la kazňakre hine o drom le dživipnaskro,

Prislovja 9:8

Te pokarhineha oles, ko peske na del te phenel, našťi tut avri ačhela, ale te pokarhineha le goďaverones, kamela tut.

Kazaťeľis 12:11

O lava le goďaverengre hine sar e ostro paca, savaha pes ľidžal le biken, a o skidle privakeribena hine sar o lecegi, so hine zorales zademade andre – hine dine jekhe pasťjeristar, le Devlestar.

Kazaťeľis 7:4

O jilo le goďaverengro hino andre oda kher, kaj pes vartinel, ale o jilo le nagoďaverengro hino andro kher, kaj hin o radišagos.

Kazaťeľis 9:17

Feder hin te šunel o lava le goďaverengre, so hine phende polokes, sar te šunel e vika le vladcaskri maškar o diline.

Zjaveňje 3:19

Me sakones, kas kamav, karhinav a zorales bararav avri. Vašoda av horľivo a visar tut le binendar!