Kazaťeľis 7:23 - Le Devleskero Lav Andre Romaňi Čhib Slovensko 2021

²³ Savoro kada la goďaha skušinďom a phenďom: „Kamav te dochudel o goďaveripen,“ ale sas mandar igen dur.

Kazaťeľis 7:23 ပူးပေါင်းရင်းမြစ်များ

1. Mojžišoskro 3:5

Se o Del džanel, hoj oda džives, sar lestar chana, pes tumenge phundravena o jakha a avena ajse sar o Del; džanena, so hin lačho a so nalačho.“

Kazaťeľis 1:17

Iľom mange andro jilo, hoj man te dodžanav pal o prindžaripen the goďaveripen a the so hin o diliňipen the nagoďaveripen, ale avľom pre oda, hoj the oda hin o denašiben pal e balvaj.

Kazaťeľis 3:11

O Del kerďa savoro igen šukares andre peskro časos. Ov thoďa the e večnosť le manušenge andro jile, ale o manuš našťi calkom achaľol, so o Del kerel anglunestar dži o koňec.

Kazaťeľis 7:22

se tu andre tiro jilo džanes, hoj the tu buterval košľal avren.

Kazaťeľis 8:17

Dikhľom savoro, so o Del kerďa, a avľom pre oda, hoj ňiko našťi achaľol, so pes kerel pre phuv. Kajte oda o manuš igen kamľahas te prindžarel, the avke na achaľola, a kajte varesavo goďaver manuš phenďahas, hoj oda džanel, the avke na achaľol.

Rimanenge 1:22

Phenen pre peste, hoj hine goďaver, ale ačhile diline.

1. Korinťanenge 1:20

Kaj hino o goďaver? Kaj o avrisikado andro zakonos? Kaj ola, ko avke bares vakeren andre kada svetos? Či na visarďa o Del o goďaveripen kale svetoskro pro diliňipen?