Kazaťeľis 7:12 - Le Devleskero Lav Andre Romaňi Čhib Slovensko 2021

¹² O goďaveripen tut učharela andre avke sar o barvaľipen; e chasna le prindžaripnastar hin kadi: O goďaveripen chraňinel o dživipen olenge, kas oda hin.

Kazaťeľis 7:12 ပူးပေါင်းရင်းမြစ်များ

O Job 1:10

Či na thoďal e ohrada pašal leste, pašal leskro kher the pašal savoro, so les hin? E buči leskre vastengri požehňinďal a leskre stadi rozbarile pal caľi phuv.

Žalmi 57:1

Oleske, ko ľidžal o bašaviben pro giľavipen: „Ma zňičin!“ O michtam le Davidoskro, sar denašelas andre jaskiňa le Saulostar.

Prislovja 11:4

O barvaľipen tut na zachraňinela andre oda džives, sar avela le RAJESKRI choľi, no o spravodľišagos tut lela avri andral o meriben.

Prislovja 14:20

Ňiko na kamel le čore manušes, aňi leskre susedi, ale le barvales hin pherdo prijaťeľa.

Prislovja 2:11

O spravno gondoľišagos pre tu dela pozoris a o achaľuvipen tut stražinela;

Prislovja 2:7

Ov pomožinel olenge, ko hine čačipnaskre, a chraňinel olen, ko dživen žužes;

Prislovja 3:18

O goďaveripen hin o stromos le dživipnaskro olenge, ko pes lestar chuden, a požehňimen hine, save pes lestar ľikeren.

Prislovja 8:35

Bo ko man arakhel, arakhel o dživipen a ela le RAJESKE pre dzeka.

Prislovja 9:11

Me, o goďaveripen, tuke dava te dživel buter dživesa a dothovava tuke o berša pro dživipen.

Kazaťeľis 10:19

O maro anel o asaben, e mol anel o radišagos, ale bi o love na ela aňi jekh aňi aver.

Kazaťeľis 2:13

Dikhľom, hoj o goďaveripen hino feder sar o diliňipen, avke sar o švetlos hino feder sar o kaľipen.

Kazaťeľis 7:19

O goďaveripen del buter zor le goďaveres sar o deš vodci andro foros.

Kazaťeľis 9:16

Avke me phenďom: Feder hin o goďaveripen sar e zor, ale o goďaveripen le čoreskro pes tele dikhel a leskre lava ňiko na šunel avri.

Kazaťeľis 9:18

O goďaveripen hin zoraleder sar o maribnaskre zbraňe, ale jekh binošno manuš šaj musarel but lačhipen.

Izajaš 30:2

džan tele andro Egipt bijal oda, hoj mandar te phučen; roden e pomoca the e ochrana paš o faraonos a garuven pes tel o ciňos le Egiptoskro.

Izajaš 32:2

Sako lendar ela sar e skriša angle balvaj a sar e streškica andro baro brišind; ena sar o paňi, so čuľal pre pušťa, sar o ciňos tel e bari skala andre phuv, kaj hin baro tačipen.

Izajaš 33:6

Ov ela tumari istota andro dživipen, tiri barvaľi zachrana, goďi the prindžaripen; e sveto dar anglo RAJ ela tiro barvaľipen.

O Evaňjelium le Janoskro 12:50

A me džanav, hoj leskro prikazaňje anel o večno dživipen. Oda, so me vakerav, vakerav avke, sar mange phenďa o Dad.“

O Evaňjelium le Janoskro 17:3

O večno dživipen hin andre oda: Hoj te prindžaren tut, le jekhe čače Devles the le Ježiš Kristus, saves bičhaďal.

5. Mojžišoskro 32:47

Kala lava nane ča ajse chocsave lava – hine tumaro dživipen! Te len šunena, dživena but andre odi phuv, so džan te zalel, sar predžana prekal o paňi Jordan.“

Filipanenge 3:8

Ale čačes dikhav savoro sar našaďipen, bo vzacneder mange hin, hoj te prindžarav le Ježiš Kristus, mire Rajes. Vaš leste oda savoro odčhiďom a hin mange oda sar šmeci, hoj te dochudav le Kristus

Sudcengro 9:15

O koľakos lenge phenďa: ‚Te man čačes kamen te pomazinel tumare kraľiske, aven tumen te garuvel tel miro ciňos. Te na, mi avel avri andral o koľakos e jag a mi zlabarel o libanoňika sosni!‘ “