Kazaťeľis 6:3 - Le Devleskero Lav Andre Romaňi Čhib Slovensko 2021

³ Te varekas uľahas the šel čhave, džiďiľahas but berša a leskre beršen uľahas but dživesa, no leskri duša na čaľiľahas le lačhipnastar, a mek aňi pohrebos leske na kerdehas, akor phenav: „Feder hin le čhavoreske, savo uľiľa mulo, sar leske.“

Kazaťeľis 6:3 ပူးပေါင်းရင်းမြစ်များ

1. Mojžišoskro 33:5

Sar pes o Ezav rozdikhľa, dikhľa romňijen le čhavenca a phenďa: „Ko hine kala, so hine paš tu?“ O Jakob odphenďa: „Oda hine mire čhave, savenca o Del požehňinďa tire služobňikoske.“

1. Mojžišoskro 47:9

O Jakob odphenďa le faraonoske: „Miro dživipnaskro drom ľikerel šel the tranda (130) berš. O dživipena mire dadengre ľikerenas buter a na sas ajse phare sar miro.“

2. Kraľengro 10:1

Andre Samarija sas le Achab eftavardeš (70) čhave. O Jehu pisinďa ľila a bičhaďa len le vodcenge, le phurederenge andro foros Samarija the le Achaboskre manušenge, save pes starinenas pal leskre čhave. Andro ľila sas pisimen:

2. Kraľengro 9:35

Ale sar o murša gele avri, hoj la te parunen, arakhle ode ča lakri lebka, o pindre the o vasta.

1. Kronicko 28:5

O RAJ man diňa igen but čhaven a savore mire čhavendar peske kidňa avri mire čhas le Šalamun, hoj te bešel pro tronos a te kraľinel upral le RAJESKRO kraľišagos andro Izrael.

2. Kronicko 11:21

Maškar savore peskre romňija the romňija-služobňički, o Rechabeam nekbuter kamelas la Maacha, le Absolonoskra čha. Sas les dešuochto (18) romňija a šovardeš (60) romňija-služobňički, savenca les sas bišuochto (28) muršora the šovardeš (60) čhajora.

Ester 5:11

Paľis pes o Haman angle lende lašarelas, savo baro hin leskro barvaľipen, keci čhave les hin, a sar les hazdňa o kraľis upre upral savore peskre anglune murša the raja.

Ester 7:10

On gele a figinde le Haman pre kaštuňi šibeňica, so diňa te kerel prekal o Mordekaj. Akor le kraľiskri choľi preačhiľa.

O Job 3:11

Soske na muľom akor, sar uľiľom? Soske na muľom, soča manca e daj ločhiľa?

O Job 3:16

Abo soske na somas parundo andre phuv sar čhavoro, so odgeľa la dake? Sar čhavoro, savo šoha na dikhľa o švetlos?

Žalmi 58:8

Mi našľon sar o rozčhido paňi! Sar nacirdena o luki te ľivinel, mi peren lenge tele o šipi!

Prislovja 17:6

O phure manuša thoven baripen andre le čhavengre čhave, a o čhave thoven baripen andre peskre dada.

Kazaťeľis 4:3

No feder sar okle duje dženenge hin oleske, ko mek na avľa pro svetos, ko na dikhel o nalačhe skutki, so pes keren pre phuv.

Kazaťeľis 6:4

Avľa pro svetos zbitočňe, džal het andro kaľipen a leskro nav hin zaučhardo le kaľipnaha.

Jeremijaš 22:19

Parunena les sar le somaris, cirdena les avri a čhivena het pal o brani le Jeruzalemoskre.“

Jeremijaš 36:30

Vašoda kada phenel o RAJ pal o judsko kraľis Jojakim: Ňiko leskre potomkendar na bešela pro tronos le Davidoskro a leskro mulo ťelos ela čhido avri pro kham dživese a rači pro šil.

Jeremijaš 8:2

Thovena len pro kham, pro čhonoro the pro čercheňa le ňeboskre, saven kamenas, savenge služinenas, pal save phirenas, savendar phučenas so te kerel a saven lašarenas. Na skidena len upre aňi len pale na parunena, ale ačhena rozčhide pre phuv sar hnojos.

Matuš 26:24

O Čhavo le Manušeskro mušinel te merel, avke sar pal leste hin pisimen, ale ole manušeha, ko les zradzinel, ela igen namištes. Feder leske uľahas, te aňi na uľiľahas.“