Kazaťeľis 6:10 - Le Devleskero Lav Andre Romaňi Čhib Slovensko 2021

¹⁰ Savoro so hin, sas imar anglal dino, the oda, so pes ačhel le manušeske hin imar dino, ale o manuš pes našťi vesekedinel le Devleha, bo hino zoraleder sar ov.

Kazaťeľis 6:10 ပူးပေါင်းရင်းမြစ်များ

1. Mojžišoskro 3:9

Ale o RAJ, o Del, vičinďa pro Adam a phučľa lestar: „Kaj sal?“

O Job 33:13

Soske pre leste phenes, hoj na odphenel pre ňisave lava le manušeskre?

O Job 40:2

„Kames tut te vesekedinel le Nekzoraledereha a te rodel pre leste o chibi? Tu, so obviňines le Devles, odphen mange!“

O Job 9:32

Se ov nane manuš avke sar me, hoj leske te phenav: ‚Av džas pro sudos!‘

Žalmi 103:15

Amen o manuša sam sar čar; baruvas sar e kvitka pre maľa,

Žalmi 39:6

Dikh, diňal man ajso cikno časos sar pre burňik a miro dživipen tuke dičhol sar ňič.“ Dojekh manuš hin ča sar balvaj, kajte sar zorales ačhel.

Prislovja 21:30

Ňisavo goďaveripen aňi achaľuvipen aňi rada tuke na pomožinela, te o RAJ pre tu džala.

Kazaťeľis 3:15

Oda, so hin, sas imar čirla a oda, so ela, sas tiš imar angloda, bo o Del kerel, hoj pes te ačhel ola jekh veci pale a pale.

Kazaťeľis 6:11

So buter vakeras, frimeder oda hin pre chasna. So hin le manušes olestar?

Jeremijaš 49:19

Dikh, avke sar o ľevos chučel avri andral o kraki pašal o Jordan a roztradel le bakroren, so pes pašinen pre čar, avke me jekhvareste roztradava le Edom. A ačhavava upral leste oles, kas mange me kidava avri. Se ko hin ajso sar me? Ko pes mange šaj ačhavel? A savo pasťjeris pre mande šaj avel?

1. Korinťanenge 10:22

Abo či kamas te choľarel le Rajes? Abo sam zoraleder sar Ov?