Kazaťeľis 5:4 - Le Devleskero Lav Andre Romaňi Čhib Slovensko 2021

⁴ Feder hin te na del lav sar te del a te na doľikerel les.

Kazaťeľis 5:4 ပူးပေါင်းရင်းမြစ်များ

1. Mojžišoskro 28:20

Akor o Jakob iľa vera le RAJESKE: „Te aveha manca, Devla, a te man chraňineha pro drom, pre savo man mukava, te man deha maro the gada,

1. Mojžišoskro 35:1

O Del phenďa le Jakoboske: „Visar tut pale andro Betel a ačh ode te bešel. Ačhav o oltaris le Devleske, savo pes tuke sikaďa, sar denašehas tire phralestar le Ezavostar.“

1. Mojžišoskro 35:3

Aven džas andro Betel. Ode ačhavava o oltaris le Devleske, savo man šunďa avri oda džives, sar somas andro pharipen, a ľidžalas man pal o drom.“

Žalmi 116:14

Dava le RAJESKE oda, so phenďom, anglal savore leskre manuša.

Žalmi 119:106

Diňom lav, hoj doľikerava tire spravodľiva sudi, a kamav oda te doľikerel.

Žalmi 22:25

Bo ov na dikhľa tele le čores a dikhľa leskro trapišagos. Na garuďa angle leste peskro muj; šunďa les avri, sar peske mangelas e pomoca.

Žalmi 50:14

„Obetin le Devleske e paľikeribnaskri chvala a doľiker le Nekbaredereske o lava!

Žalmi 76:11

Sar mareha olen, pre kaste sal choľamen, o manuša tut lašarena; olen, ko ačhena te dživel pal tiri choľi, phandeha pašal tu sar koruna.

Prislovja 20:25

Gondoľin mištes, medik phenes le Devleske, hoj les vareso deha, hoj paľis te na bajines, so phenďal.

Izajaš 19:21

O RAJ pes dela te prindžarel le Egipťanenge. Andre oda džives o Egipťana sprindžarena le RAJES a služinena leske le obetenca the le darenca. A doľikerena le RAJESKE o lava, so les dena.

Jonaš 2:9

Ola manuša, save lašaren le devlen, so nane pre ňisoste, omuken peskro verno kamiben.

Malachijaš 1:10

„Kamľomas, hoj vareko tumendar te phandel andre o vudar, hoj te na labaren e jag hijaba pre miro oltaris! Na san mange pre dzeka,“ phenel o Nekzoraleder RAJ, „a na prilava tumare vastendar e obeta.

4. Mojžišoskro 30:2

A phenďa le kmeňoskre vodcenge: „Kada prikazinďa o RAJ:

Matuš 5:33

„Šunďan mek, hoj sas phendo le phure dadenge: ‚Na leha vera klamišagoha, ale doľikereha le Rajeske tiri vera!‘

Židenge 10:6

Na sas tuke pre dzeka o labarde obeti, aňi o obeti vaš o binos.

Sudcengro 11:35

Soča la dikhľa, čhingerďa pre peste o plašťos a zvičinďa: „Ó, čhajori miri, igen mange dukhaďal o jilo! Anďal man andre bari bibach! Iľom vera le RAJESKE a mušinav oda te doľikerel!“