Kazaťeľis 3:6 - Le Devleskero Lav Andre Romaňi Čhib Slovensko 2021

⁶ časos te rodel a časos te našavel, časos te garuvel a časos te čhivel het,

Kazaťeľis 3:6 ပူးပေါင်းရင်းမြစ်များ

1. Mojžišoskro 31:18

a iľa peha savore peskre stadi the savoro barvaľipen, so peske dochudňa andro Paddan-Aram, hoj te džal ke peskro dad ko Izak andre phuv Kanaan.

2. Kraľengro 5:26

Ale o Elizeus leske pre oda phenďa: „Či na sas miro duchos tuha, sar oda murš chučiľa tele pal o verdan a geľa paš tu? Či hin akana o časos te prilel o rup, o gada, o olivova stromi, o viňici abo le bakren, le dobitkos, le sluhen the le služken?

2. Kraľengro 7:15

Ola murša džanas pal o Aramejčana dži paš o Jordan a dikhle pro drom rozčhide but gada the zbraňe, so andro baro zmetkos pestar odčhivkerde, sar denašenas. Paľis, sar avle pale ko kraľis, phende leske savoro, so dikhle.

2. Kraľengro 8:9

Avke o Chazael thoďa pro saranda (40) ťavi nekfeder vzacna veci andral o Damašek a ľidžalas oda sar daros le Elizeoske. Sar o Chazael doavľa, geľa anglal leste a phenďa leske: „Tiro čhavo, o Ben-Hadad, man bičhaďa pal tu, hoj te phučav tutar, či ela sasto.“

Žalmi 112:9

Rozčhivel ščirones a del le čore manušen; leskro spravodľišagos ačhela pro furt; leskri zor pes hazdela upre andre slava.

Kazaťeľis 11:1

Muk tiro maro te džal tele le paňeha, bo pal o but dživesa tuke avela pale buter.

Kazaťeľis 3:5

časos te rozčhivkerel o bara a časos len te skidel upre, hin časos te obchudel a hin časos te zľikerel pes olestar,

Kazaťeľis 3:7

časos te čhingerel a časos te sivel, časos te čhitel a časos te vakerel,

Izajaš 2:20

Andre oda džives o manuša čhivena het le krtkenge the le ňetopierenge peskre rupune the somnakune modli, saven peske kerde, hoj pes lenge te klaňinen.

Jonaš 1:5

O namorňika pre loďa pes daranas a chudle sako te vičinel pre peskro del. Chudle te čhivkerel andro moros o veci andral e loďa, hoj te el lokeder. Ale o Jonaš peske geľa tele andre loďa te pašľol a zorales zasuča.

Matuš 19:29

A sako, ko vaš miro nav omukľa o khera, le phralen abo le pheňen, le dades abo la da, [la romňa,] le čhaven vaj o maľi, chudela šelvar ajci buter a chudela o večno dživipen.

Skutki 27:19

A pro trito džives peskre vastenca čhivkerenas avri o sersamos la loďakro.

Skutki 27:38

Sar savoredžene čaľile, chudle te čhivkerel andral e loďa avri o zrnos, hoj te ačhel e loďa lokeder.