Kazaťeľis 2:19 - Le Devleskero Lav Andre Romaňi Čhib Slovensko 2021

¹⁹ a ko džanel, či oda manuš ela goďaver abo dilino? Ale the avke ačhela leske savoro, vaš soske man me phares trapinavas a keravas buči goďaha pre phuv. The oda nane pre ňisoste!

Kazaťeľis 2:19 ပူးပေါင်းရင်းမြစ်များ

1. Kraľengro 11:43

Sar muľa o Šalamun, parunde les andro foros le Davidoskro, leskre dadeskro. Pal leste ačhiľa kraľiske leskro čhavo o Rechabeam.

1. Kraľengro 12:13

O kraľis odphenďa le manušenge zorales a na priiľa e rada, savi les dine phureder vodci.

Kazaťeľis 2:11

No sar visaľiľom, hoj te dikhav pre savoreste, so kerďom mire vastenca, the pre odi phari buči, hoj keci man pre oda trapinďom, avľom pre oda, hoj ňič nane pre ňisoste lačho, sar te ča denašľomas pal e balvaj. Nane ňisavi chasna pre phuv.

Kazaťeľis 2:20

Sas mange phares te zľidžal, sar gondoľinavas pal savori miri buči, savaha man trapinavas pre phuv.

Kazaťeľis 3:22

Avke avľom pre oda, hoj nane ňič feder sar oda, hoj o manuš te radisaľol la bučatar, so kerel, bo ada hin, so les diňa o Del. Se ko les anela pale, hoj te dikhel oda, so ela pal leste?

Kazaťeľis 9:13

The kada goďaveripen dikhľom pre phuv a sas prekal mande zoralo:

Лукастар 16:8

A o raj lašarďa le napačivale sluhas, hoj kerďa avke goďaha. Bo kale svetoskre manuša keren jekh avreha goďavereder sar o čhave le švetloskre.

1. Timoteoske 6:10

Bo o kamiben ko love hin o koreňis savore nalačhipnaske. Varesave džene andre oda pele, odgele le pačabnastar a kerde korkore peske but dukha.

Jakob 1:17

Savore lačhe veci a dojekh dokonalo daros avel upral le Dadestar, savo kerďa o ňeboskre švetla a hino furt jekh, ov pes na čerinel avke sar o ciňos.

Jakob 3:17

Ale odi goďi, so avel andral o ňebos, hiňi ešeb žuži, paľis ajsi, so kamel o smirom, kovľi a phundraďi te šunel; hiňi ajsi, so sajinel avres a anel o lačho ovocje, na kerel rozďjel maškar o manuša a nane dujemujengri.