Kazaťeľis 2:17 - Le Devleskero Lav Andre Romaňi Čhib Slovensko 2021

¹⁷ Našťi avri ačhavas o dživipen angle oda nalačhipen, so pes kerel kade pre phuv, bo ňič nane pre ňisoste lačho, sar te ča denašľomas pal e balvaj.

Kazaťeľis 2:17 ပူးပေါင်းရင်းမြစ်များ

1. Kraľengro 19:4

Sar o Eliaš džalas korkoro pal e pušťa calo džives, bešľa peske tel o krakos a kamľa te merel. Kavke pes modľinelas: „Hin man savorestar dos, RAJEJA miro! Le mandar o dživipen, bo me na som ňisoha feder mire dadendar.“

O Job 14:13

Joj, te man garuďalas andro Šeol a mukľalas man ode, medik tut na pregeľahas e choľi! Ó, te man diňalas varesavo časos a paľis tuke pre ma leperďalas.

Žalmi 89:47

Mek dži kana, RAJEJA? Garuveha tut pro furt? Dži kana labola tiri choľi sar jag?

Kazaťeľis 1:14

Dikhľom savore skutki, so pes kerel pre phuv, a dikh, ňič nane pre ňisoste lačho, sar te ča denašľomas pal e balvaj.

Kazaťeľis 1:17

Iľom mange andro jilo, hoj man te dodžanav pal o prindžaripen the goďaveripen a the so hin o diliňipen the nagoďaveripen, ale avľom pre oda, hoj the oda hin o denašiben pal e balvaj.

Kazaťeľis 2:11

No sar visaľiľom, hoj te dikhav pre savoreste, so kerďom mire vastenca, the pre odi phari buči, hoj keci man pre oda trapinďom, avľom pre oda, hoj ňič nane pre ňisoste lačho, sar te ča denašľomas pal e balvaj. Nane ňisavi chasna pre phuv.

Kazaťeľis 2:22

So hin le manušes savora phara bučatar the le cerpišagostar, so pes trapinel pre phuv?

Kazaťeľis 3:16

A dikhľom mek vareso aver kade pre phuv: Pro sudos hin o klamišagos a ode, kaj majinel te el o čačipen, hin o nalačhipen.

Kazaťeľis 4:2

Vašoda phenďom, hoj bachtaleder hine ola, ko imar mule, sar ola, ko mek dživen.

Kazaťeľis 4:3

No feder sar okle duje dženenge hin oleske, ko mek na avľa pro svetos, ko na dikhel o nalačhe skutki, so pes keren pre phuv.

Kazaťeľis 6:9

Feder hin te radisaľol ole vecendar, so amen hin, sar pes furt te cirdel pal o buter. The oda nane pre ňisoste, sar te ča denašľamas pal e balvaj.

Ezechiel 3:14

Akor man o Duchos hazdňa upre a iľa het. A me džavas andre horkosť the andre bari choľi, ale šunavas pre mande zorales le RAJESKRO vast.

Jonaš 4:3

Avke akana, RAJEJA, le mandar miro dživipen, bo feder mange hin te merel sar te dživel.“

Jonaš 4:8

Sar avľa avri o kham, bičhaďa o Del e tači vichodno balvaj a o kham labarelas o šero le Jonašiskro avke, hoj leske sas igen namištes. Kamelas te merel a phenďa: „Feder mange hin te merel sar te dživel!“

Habakuk 1:3

Soske mange des te dikhel o nalačhipen? Sar šaj dikhes pre ajci nalačho, so pes kerel? E skaza the o baro mariben hine angle mande, o dokeriben the o vesekedišagi hine všadzik,

4. Mojžišoskro 11:15

Te kames manca kavke te kerel, feder mange ela, te man murdareha, hoj te na dikhav pre miro trapišagos – te arakhľom milosť andre tire jakha.“